Sábado, Junho 19, 2021

Diretor Organizasaun Raes Hadomi Timor Oan (RHTO), Joãozito dos Santos hateten tinan kotuk 2020, sira iha akordu ho Ministerio da Saúde kona ba asistensia saúde ba ema ho defisiensia, entaun oportunidade ne’e sira husu atu halo mos vasina AstraZeneca ba ema ho defisiensia sira tanba sira barak mos serivsu hanesan liña frente ba prevensaun no mitigasaun surtu Covid-19.

Diretor Organizasaun Raes Hadomi Timor Oan (RHTO), Joãozito dos Santos hateten tinan kotuk 2020, sira iha akordu ho Ministerio da Saúde kona ba asistensia saúde ba ema ho defisiensia, entaun oportunidade ne’e sira husu atu halo mos vasina AstraZeneca ba ema ho defisiensia sira.

“Ema ho defisiente sira mos hola parte iha grupo vulneravel, ho kondisaun ne’ebe sira iha sira mos halao servisu iha liña frente, liu-liu pilar II kona ba edukasaun no infomrasaun prevensaun moras tanba ne’e ita husu para aproveita simu mos vasina,” nia hateten hafoin partisipa iha atividade vasinasaun iha edifisio RHTO Taibesi, Dili.

Nia dehan inisiu sira registu deit voluntario nain 9 atu simu vasina tanba ema hotu tauk, maibe depois rona esplikasaun husi ekipa ministerio da saúde, doutora Odete da Silva Viegas, ema barak hakarak hetan vasina to’o nain 30 resin.

Nia hateten informasaun sira iha social media kona ba reasaun segundu husi vasina AstraZeneca ne’e voatus deit, lalos tanba ne’e importante ba ema hotu atu buka hatene informasaun husi pesoal kompetente sira hanesan professional saúde sira.

Nia haktuir sira sei nafatin halo advokasia ba maluk defisiente sira iha nasional no munisipio ne’ebe sei tauk simu vasina atu labele tauk simu vasina tanba vasina ne’e diak hasa’e imunidade isin hodi defende isin husi atakasaun virus, ne’ebe dadaun ne’e namkarik ona iha rai laran.

Iha parte seluk, reprezentante ema ho defisiente, Silva Antonia da Costa Soares apela ba komunidade sira ho defisiente atu buka hatene informasuan husi ema ne’ebe loos atu bele hola desizaun ba ida-ida nia saúde tanba informasaun sira iha social media konaba vasina Covid-19 ne’e lalos hotu.

Nia dehan nia parte primeru tauk, maibe depois hetan oportunidade koalia direita ho doutora Odete da Silva Viegas ho esplikasaun ne’ebe detailho kona ba vantajen husi vasina no reasaun sekundario sira.

“Hau ki’ik, hau nia aman mos ema enfermeira ida, nia sona hau to’o hau halo tinan tolu hau labele lao to’o agora, entau hau iha trauma ho daun no ba hospital. Maibe ohin hau agradese ba doutora Odete da Silva Viegas ne’ebe fo ona motivasaun mai hau atu simu vasina ne’e tanba diak ba saúde, liu-liu prevene aan husi virus. Entau hau foti desizaun simu vasina ne’e, no agora hau sente diak hela la hanesan baut ne’ebe ema tau iha social media,” nia hateten.

Nia dehan ho kondisaun defisiente fisiku vulneravel tebes atu hetan kontajio husi virus tanba ne’e importante tebes ba hetan vasina ne’e hodi hasa’e imunidade isin atu defende isin husi atakasaun virus.

Nia hatutan durante estado emergensia, sira mos halo servisu edukasaun prevensaun ba komunidade sira kona ba moras oioin hanesan dengeu no Covid-19 rasik tanba numeru kazu sira ne’e aumenta makas.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04