Quinta, Setembro 23, 2021
Total visitors: 578526

Presidente Institutu Nasional Seguransa Sosial (INSS), Longuinhos Armando Leite anunsia ba publiku katak iha loron 23 fulan Junho tinan 2021, hahu pagamentu subsidiu ba ema idosus no invalidu hamutuk 94,717 iha teritorio nasional.

Presidente Institutu Nasional Seguransa Sosial (INSS), Longuinhos Armando Leite anunsia ba publiku katak iha loron 23 fulan Junho tinan 2021, hahu pagamentu subsidiu ba ema idosus no invalidu hamutuk 94,717 iha teritorio nasional.

Nia konsiente situasaun agora governu aplika hela estado emergensia ligadu ho propagasaun surtu Covid-19, tanba ne’e apela ba benefisiariu sira atu kumpri nafatin medida prevensaun ne’ebe fo sai ona husi ministerio da saúde no organizasaun mundial saúde.

“Subsidiu apoia idosus no invalidu ne’e direitu, ne’ebe la simu vasina mos sira iha direitu simu. Maibe ami husu diak liu sei iha tempu ba simu tiha vasina lai tanba ne’e diak ba ita hotu nia saúde,” nia hateten liu husi konferensia imprensa iha salaun ministerio solidaridade sosial no inkluzaun Kaikoli, Dili.

Nia hateten moras ida ne’e risku bo’ot liu ba ema ho idade 60 ba leten tanba ne’e iha oportunidade vasina diak liu ba simu vasina lai antes ba simu subsidiu atu bele iha protesaun.

Iha parte seluk, porta voz komisaun interministerial ba implementasaun vasina, dotora Danina Coelho hateten progressu vasina Covid-19 iha munisipio Dili, foin atinji 45%, signifika ema idade tinan 18 ba leten nain 95,363 husi total 213,800 maka simu ona vasina Covid-19.

Nia dehan ba grupo ema ho idade 60 ba leten, foin atinji 25% ou ema nain 3,603 husi total 14,518 maka simu ona vasina Covid-19. No kampanha vasinasaun iha munisipio seluk foin lansa iha loron hira liu ba tanba ne’e kobertura seidauk maximu.

“Kampanha vasinasaun halao dadauk hela iha Dili ba ema hotu ho idade tinan 18 ba leten, no ami enkoraja adulto hotu ne’ebe elejivel atu simu vasina maka seidauk simu sira nia vasina atu hakbesik an ba sentru saúde no postu vasina sira hodi simu vasina Covid-19. Vasinasaun sei tulun ita redus impaktu husi Covid-19 ba ema sira no redus transmisaun,” nia hateten.

Nia informa vasina AstraZeneca 100,800 dose, ne’ebe apoia husi COVAX facility. Sira foti hela deit 17,000 dose hodi fo ba ema nain 15,000 resin ne’ebe simu dose daruak iha Dili. No restu seluk distribui hotu ba munisipio atu hahu kampanha vasinasaun dose dahuluk ba gurpo alvu sira hanesan ema ho idade 60 ba leten no sira ne’ebe ho moras kronika.

Alende ne’e nia dehan iha munisipiu Dili, kontinua ho vasina AstraZeneca apoia husi Australia no vasina Sinovac apoia husi China ho 100,000 dose.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04