Quinta, Setembro 23, 2021
Total visitors: 578526

Ministeriu Ensinu Superior Siensia no Kultura (MESSK) apoiu subsidiu ho montante $60.000 ba estudante veteranus nian oan hamutuk nain 47 ne’ebe oras ne’e hala’o hela estudu iha nivel universitariu.

Ministeriu Ensinu Superior Siensia no Kultura (MESSK) apoiu subsidiu ho montante $60.000 ba estudante veteranus nian oan hamutuk nain 47 ne’ebe oras ne’e hala’o hela estudu iha nivel universitariu.

Diretor Unidade Kordenasaun Apoiu Estudante (UKAE) iha MESSK, Amelia da Silva Araujo, hateten, apoiu subsidiu ne’ebe mak governu ofrese ba benefisiaria nain 47 ne’e liu husi akordu ne’ebe mak asina ona entre parte veteranus no MESSK iha tinan kotuk.

“Liu husi akordu ne’e mak MESSK apoiu subsidi ho montante $60.000 ba veteranus nian oan hamutuk 47 ne’ebe mak estuda hela iha nivel universitariu,” Diretora UKAE Araujo hateten iha servisu fatin Dili.

Nia dehan, husi estudante nain 47 ne’e balun eskola iha universidade publiku no privadu, iha rai laran no balun eskola iha estranjeiru, kriteira ba estudante sira mak tenke aktivu iha eskola no tenke hetan valor diak, bainhira la hetan, governu sei fo sansaun.

“Husi orsamentu $60.000 ne’ebe mak ita fo apoiu ne’e kada estudante hetan ho valor montante la hanesan, tanba balun iha rai liur balun iha rai laran no iha universidade publiku no privadu,” nia salienta.

Alende ne’e nia dehan, subsidiu ne’e sei la permanente no depende ba notas ne’ebe mak estudante sira iha, katak valor tenke iha 2,75, tun husi ne’e sei hapara, tanba ne’e husu ba benefisiariu sira tenke estuda.

Iha fatin hanesan, estudante benefisiaria Angelia Amaral hateten, sibsidiu ne’ebe mak nia simu hodi apoiu ba ninia preparasaun atu finaliza nia estudu iha universidade oriental.

“Hau estudante benefisiaria husi Univerdidade Oriental fakuldade edukasaun departamentu liangua portugues, subsidiu ne’ebe hau hetan montante $300. Hau agradese tebes ba subsidiu ne’ebe mak governu ofrese,” estudante Amaral hateten.

Tanba ne’e nia dehan, husi subsidiu ne’ebe mak nia hetan bele rezolve ona nia prosesu admistrasaun hodi bele finaliza nia estudu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04