Segunda, Junho 24, 2024
Total visitors: 766366

Diretór Ezekutivu Centru Nasionál Chega! Institutu Públiku (CNC, I.P), Hugo Maria Fernandes informa ekipa CNC ne’ebé lidera husi padre Juvito do Rego konvoka enkontru ho Komisaun Nasionál Direitu Humanu (Komnas HAM) iha Jakarta, Indonesia, atu halo advokasia ba governu Timor-Leste no Indonesia hodi aselera ratifikasaun konvensaun internasionál ba ema lakon forsadu.

Diretór Ezekutivu Centru Nasionál Chega! Institutu Públiku (CNC, I.P), Hugo Maria Fernandes informa ekipa CNC ne’ebé lidera husi padre Juvito do Rego konvoka enkontru ho Komisaun Nasionál Direitu Humanu (Komnas HAM) iha Jakarta, Indonesia, atu halo advokasia ba governu Timor-Leste no Indonesia hodi aselera ratifikasaun konvensaun internasionál ba ema lakon forsadu.

Nia dehan durante loron rua, dia 31 fulan agostu até dia 1 fulan setembru, sira sei halo diskusaun ba estratejia aproximasaun atu hamutuk halo advokasia ba lider rai rua ne’e nian atu ratifika konvensaun ba ema lakon iha periodu okupasaun Indonesia.

“Timor-Leste seidauk asina no ratifika konvensaun ne’e. husi Indonesia asina ona, maibe seidauk ratifika tanba ne’e iha dia 31 CNC no HAM hahu diskusaun ida oinsa mak halo advokasia ida atu Indonesia no Timor-Leste ratifika lalais konvensaun ne’e,” nia hateten iha servisu fatin eis komarka Balide, Dili.

Nia dehan bainhira estadu rai rua ne’e asina no ratifika ona konvensaun refere mak bele koalia fali konaba nesesidade kria komisaun ba ema lakon atu halao servisu sira formalmente buka tuir ema lakon.

Nia hateten sira mos halo ona enkontru no diskusaun ho governu, liu-liu Ministeriu Negósiu Estrajeiru no Koperasaun (MNEK) konaba progresu servisu ba ratifikasaun konvensaun ema lakon.

Nia espera tinan ida ne’e 2023, estadu Timor-Leste no Indonesia, bele ratifika ona konvensaun ba ema lakon.

Iha parte seluk, Membru Parlamentu Nasional, Deputadu Joaquim dos Santos hateten iha lejislasaun anterior Komisaun A trata asuntu justisa no konstituisionál, ejiji ona ba governu atu aprezenta proposta ratifikasaun, maibe la konsegue.

“Ida ne’e importante Sr. ministru, favor ida atu bele aselera lalais proposta. Se Deputadu mak halo karik, aban hau halo ona. Maibe ida ne’e governu mak tenke aprezenta,” nia hateten iha plenaria.

Nia hateten ratifikasaun konvensaun ne’e importante tebes atu formaliza servisu sira buka tuir ema lakon tanba sidadaun barak mak lakon iha tempu okupasaun to’o agora lahatene sira nia paradeiru.