Terça, Novembro 24, 2020
Total visitors: 536534

Rede Edukasaun Timor-Leste Coalition for Education (TLCE) husu Ministerio Edukasaun Juventude no Desporto (MEJD) atu aumenta professore sira iha eskolas sekundario tekniku-vokasional (ESTV) hodi reforsa prosesu aprendisagem tanba durante ne’e infrenta hela problema menus professores.

Kordenador TLCE, Jose Monteiro hateten tuir peskija ne’ebe mak TLCE halo nota katak eskola tekniku vokasional hamutuk 58 mak eziste iha Timor-Leste, profesores kuaze 1,000 resin hodi hanorin estudante sira, maibe numeru ne’e sei minimu liu.

Kordenador TLCE, Jose Monteiro hateten tuir peskija ne’ebe mak TLCE halo nota katak eskola tekniku vokasional hamutuk 58 mak eziste iha Timor-Leste, profesores kuaze 1,000 resin hodi hanorin estudante sira, maibe numeru ne’e sei minimu liu.

Nia dehan, ESTV ne’e eziste ho objetivo hodi fasilita estudante sira atu asesu lalais ba kampo de trabalho, tanba sira aprende ne’e liga liu ba pratika profesional nian.

“Ho difikuldade ne’ebe mak eskolas sekundario tekniku-vokasinoal infrenta, ita husu MEJD atu halo rekrutamento hodi aumeta professores hodi reforsa prosesu aprendisagem ne’ebe mak ho kuantidade nune’e estudante sira remata bele kria rasik kampo de trabalho,” Kordenador TLCE Monteiro hateten.

Nia dehan, durante ne’e professores sira ne’ebe hanorin iha eskola sekundario tekniku vokasional hamutuk 1,000 kada profesores hanorin materia rua to’o tolu ida ne’e difikulta ba estudante tanba fahe tempo hodi hanorin estudante sira.

“Ita husu MEJD tenke tau prioridade hodi rezolve problema sira ne’e hodi bele hadia kualdade iha ES-TV,” nia husu.

Alende ne’e nia dehan, MEJD mos presija esforso hodi moderniza eskola sekundario tekniku vokasional sira iha Timor-Leste.

Entretanto, Diretor Nasional Ensino Sekundario Tekniku Vokasional, MEJD, Joao Maupelo hateten, total professores ne’ebe mak dadaun ne’e hanorin iha ES-TV hamutuk 1.190 komposto husi professor permanente 618 no professore parsial apoio husi inan aman 286 no kontratado 286 hodi hanorin eskola hamutuk 58.

“Maibe ita nafatin rekonhese katak professor hirak ne’e sei menus liu hodi prense ba materia sira konaba teoria no pratika nian iha ESTV hamutuk 58 iha Timor,” DN ES-TV Maupelo hateten.

Tanba ne’e nia dehan, governo planea ona, atu rekruta tan professores permanente ba ESTV hamutuk nain 150, hodi bele apoio tan professores permanente sira ne’ebe mak daduan ne’e funsional hela.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04