Sábado, Dezembro 05, 2020
Total visitors: 539094

Ministerio Ensino Superior Siensia no Kultura (MESK) tinan ne’e oferese tan vaga 500 ba kbit laek nia oan sira liu husi rejime hakbit hodi fasilita asesu ba iha ensino superior publiku iha Universidade Nasional Timor-Lorosa’e (UNTL) no Instituto Politekniku Betano (IPB).

Ministro MESSK Longuinhos do Santos hateten, VIII governo hakarak implementa tan rejime hakbit, tanba realidade ne’e hatudo katak povu ai-leban nia oan sira iha iha kapasidade intelektual ne’ebe diak, maibe inan aman la iha kbit liu-liu osan atu haruka oan ba kuntinua eskola.

Ministro MESSK Longuinhos do Santos hateten, VIII governo hakarak implementa tan rejime hakbit, tanba realidade ne’e hatudo katak povu ai-leban nia oan sira iha iha kapasidade intelektual ne’ebe diak, maibe inan aman la iha kbit liu-liu osan atu haruka oan ba kuntinua eskola.

“Iha tinan ida ne’e ita implementa tan rejime hakbit, no ita ofrese vaga hamutuk 500 ba kbit laek nia oan hodi bele kuntinua estuda iha ensinu superior publiku hanesan UNTL no IPB,” MESK Santos hateten.

Nia dehan, husi numero ne’ebe mak governo oferese ne’e sei fahe fali UNTL simu 250 no IPB 250, estudante sira ne’ebe tama iha kategori rejime ne’e ministerio relevante mak sei tama konta ba propinas.

“Kriterio mak estudante ne’ebe mak identifikado duni familia la iha kbit emtermos de ekonomia, tenke iha deklarasaun husi Xefe Suku nune’e mos Administrador, depois, mai intrega iha Ministerio Solidaridade Sosial no Inkluzaun (MSSI),” nia informa.

Enkuanto nia dehan, dadaun ne’e serviso ekipa husi ministerio relevante tun ona ba munisipio sira hodi rekolha dados ba estudante sira ne’ebe mak atu asesu ba UNTL no IPB liu husi rejime hakbit.

“Rejime ne’e kada munisipio ita oferese vaga hamutuk 30 ba estudante ne’ebe mak identifika inan aman kbit la’ek,” nia dehan.

Entretanto, Reitor UNTL Fransisco Miguel Martins hateten, rejime foun hakbit ne’e governo iha hanoin sensibilidade katak labele abandona estudante ne’ebe mak iha kapasidade maibe tan deit osan, labele kuntinua estudo iha nivel superior.

“Ita labele husi hela sira, ita tenke tau matan tanba sira nia ekonomia familia nian ne’ebe mak ladun favoravel hodi oferese ba sira hodi sustenta oan sira nia estudo,” Reitor UNTL Martins dehan.

Iha parte seluk, estudante finalista Eskola Sekundario Tekniku Vokasional 28 Novembro, Maria Gorete hateten, hanesan estudante ka jerasaun foun kontente tebes ho politika ne’ebe mak governo liu husi MESSK iha hodi fo oportunidade ba povu ai-leban nia oan sira hodi asesu iha edukasaun.

“Politika ida ne’e pozitivu tebes atu bele fo oportunidade no hakbit ami ai-leban nia oan sira asesu ba Universidade hodi bele kompete ho ema funsionario nian ona sira,” estudante Gorete hateten.

Nia dehan, kada tinan estudante ne’ebe mak hetan klasifikasaun husi povu kbit laek nian oan, maibe sira labele kuntinua tanba inan aman sira la iha osan, espera katak ho politika ida ne’e bele inklina ema hotu iha edukasaun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04