Quarta, Janeiro 20, 2021
Total visitors: 543764

Organizasaun Nao Govermental (NGO) Perma kultura Timor-Leste (PERMATL) instala tan to’os eskolar ba eskola ensino baziku cental hat (4) iha munisipiu Ermera atu sai hanesan parte laboratorio moris ba estudante sira bele pratika produz aihan organiku no apoio mos produto ne’ebe mak sira produs ba merenda eskolar.

Diretor Ezekutivo PERMATL, Ego Lemos hateten instalasaun programa to’os eskolar 4 ne’e iha eskola Dona Ana Lemos, Fatuquero, no eskola rua iha Letefoho.

Diretor Ezekutivo PERMATL, Ego Lemos hateten instalasaun programa to’os eskolar 4 ne’e iha eskola Dona Ana Lemos, Fatuquero, no eskola rua iha Letefoho.

“Durante implentasaun to’os eskolar kuaze eskola 25 % mak apoio ona produto ba merenda eskolar, nune’e mos estudante sira aprende oinsa atu produs hahan ne’ebe mak organiku,” Diretor PERMATL Lemos hateten.

Tanba ne’e nia dehan, programa to’os eskolar enkoraja no motiva tebes estudante sira.

“Ita hare programa to’os eskolar ne’e apoio tebes ba merenda eskolar, atu nune’e labele kria dependensia ba estado ka governo,” nia informa.

Nia husu atu Ministerio Edukasaun Juventude no Desporto (MEJD) atu bele kuntinua apoio hodi intala tan ba eskola sira ne’ebe mak to’o agora seidauk inplementa programa to’os eskolar.

“Eskola ne’ebe mak ita instala ona hamutuk 244, husi ne’e 25 % mak ofrese ona sira nia produto ba merenda eskolar,” nia hateten.

Enkuanto nia dehan, orsamento ba instalasaun to’os eskolar ba eskola 4 ne’e hamutuk $6,000 hodi sosa ekipamentos hanesan modo musan, insada, balde masa hodi rega, no buat seluk tan.

Entretanto, Diretor Diresaun Nasional Aksaun Sosial Eskolar (DNASE) iha MEJD, Joaquin Ximenes hateten, dadaun ne’e ministerio kopera nafatin ho Prinseza Thailandia Maha Chakri Sirindhorn hodi implementa programa to’os eskolar ba iha eskola sira.

“Iha tinan ne’e, husi apoio ekipamentos ne’ebe oferese husi prinseza Tailandia, ita instala ona to’os eskolar ba eskola 6 komposto husi munisipio Baucau, Liquica, no Dili, liu-liu iha Akanunu Hera,” DNASE Ximens hateten.

Tanba ne’e nia dehan, ba eskola sira ne’ebe mak seidauk intala ministerio nafatin kopera ho sosiadade sivil no prinseza Thailandia atu bele kuntinua apoio hodi finaliza tiha instalasaun refere.

 

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04