Terça, Janeiro 19, 2021
Total visitors: 543636

Prezidente Komisaun F iha Parlamento Nasional ne’ebe trata asunto edukasuan kultura no sidadania, Antonio Verdial, hateten infrastrutura eskola iha Timor-Leste maioria ne’e laiha kondisaun adekuando hodi fasilita estudante sira aprende.

Prezidente Komisaun F iha Parlamento Nasional ne’ebe trata asunto edukasuan kultura no sidadania, Antonio Verdial, hateten infrastrutura eskola iha Timor-Leste maioria ne’e laiha kondisaun adekuando hodi fasilita estudante sira aprende.

Nia dehan, infrastrutura eskola iha Timor-Leste realidade hatudo katak, konstrusaun eskola la tuir padraun, falta meza no kadera, saneamento baziku, inklui mos professore sira iha tereno.

“Ita presija tebes Ministerio Edukasaun Juventude no Desporto (MEJD) atu tau matan nune’e ba futuru realizasaun aprendisagem iha teritorrio tuir konstituisaun haruka,” Prezidente Komisaun F Verdial hateten.

Nia dehan, dezenvolvimento edukasaun la’o diak iha Timor-Leste presija kompleta ho fasilidade sira ne’ebe tenke iha kondisaun adekuado.

“Atu hadia infastrutura hirak ne’e husu Ministerio Edukasaun Juventude no Desporto (MEJD) tenke kria politika diak iha ezekusaun orsamento nian,” nia salienta.

Entretanto, Ministro MEJD, Armindo Maia hateten eskola ne’ebe mak kondisaun seidauk diak tuir dados hamutuk 15,000 komposto husi eskola Pre-Eskola to’o Sekundario iha Timor-Leste.

“Iha plano orsamento 2021 ne’e ita sei rehabilita uluk eskola 680, no kompleta saneamento baziku,” Ministro MEJD Maia dehan.

Nia dehan, prosesu rehabilitasaun eskola hodi kompleta saneameto baziku sira ne’e governo labele finaliza dala ida maibe faze por faze husi plano VIII governo nian.

“Iha 2021 ne’e ita preve montante 35 milhoes hodi halo rehablitasaun ba infrastrutura eskola inklui saneamento baziku,” nia dehan.

Nia dehan, governo sei serviso makas no halo koperasaun ho parseiro nasional no internasional sira hodi realiza programa prioridade VIII governo nian liu-liu kompleta infrastrutura eskola iha Timor-Leste laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04