Quarta, Janeiro 20, 2021
Total visitors: 543764

Rede Edukasaun Timor-Leste Coalition for Education (TLCE) husu Ministerio Edukasaun Juventude no Desporto (MEJD) kria politika ne’ebe mak adekuado hodi kompleta livro ba eskola sira iha area remotas iha Timor-Leste tanba durante ne’e eskola sira ne’e funsiona la iha livro.

Cordenador TLCE, Jose Monteiro hateten, tuir peskija ne’ebe mak sira halo eskola sira iha area remotas ne’e eskola balun livro la iha liu, balun iha maibe la sufisiente.

Cordenador TLCE, Jose Monteiro hateten, tuir peskija ne’ebe mak sira halo eskola sira iha area remotas ne’e eskola balun livro la iha liu, balun iha maibe la sufisiente.

“TLCE husu atu Ministerio Edukasaun Juventude no Desporto (MEJD) atu bele kompleta livro ba eskola sira iha area remotas,” Monteiro husu.

Nia dehan, professor sira atu transforma siensia ne’ebe mak diak ba estudante sira, tenke presiza referensia husi livro, la’os husi sira nia hanoin deit, nune’e mos estudante sira presija livro hodi bele estuda iha uma.

“Livro ne’e importante tebes ba ita nia professor no estudante sira atu bele transforma siensia nune’e mos aprende,” nia hateten.

Tanba ne’e nia dehan, abilidade estudante nian laliu deit husi aprende iha sala de aula maibe husi mos estuda iha uma, livro bele garante nafatin abilidade estudante nian.

“Atu kompleta livro ba eskola MEJD sira tenke kria politika adekuado no tau osan hodi bele rezolve,” Monteiro salienta.

Entretanto, Diretor Jeral Ensino Sekundario Jera iha MEJD, Deolindo da Cruz hateten, iha estado emergensia ne’e ministerio halo ona distribuisaun livro ba eskola sira, no iha distribuisaun livro ne’e prioridade liu ba eskola iha area rural.

“Livro ne’ebe ita atribui ne’e komesa tama ona iha munisipio Aileu, Ainaru, Liquica, Manatuto, Baucau no Bobonaro, finaliza tiha mak ita distribui fali ba munisipio seluk,” nia hateten.

Nia dehan, livro sira ne’ebe mak MEJD distribui ne’e foti husi armazem governo nia rasik hodi fo ba estudante sira maske la sufisiente maibe sei esforsu nune’e bele kompleta.

“Dadaun ne’e ita sei la produs tan ona livro maibe ita fo instrusaun ba eskola sira atu hasai livro ne’ebe mak sira rai hela iha armazem eskola nian atu bele fahe ba estudante sira,” DG Sekundario Jeral Cruz hateten.

Nia dehan, livro iha eskola distribui hotu ba estudante sira nune’e hodi fasilita sira aprende lai, depois governo iha responsablidade hodi responde fali livro sira tan ba eskola sira iha rai laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04