Sábado, Fevereiro 27, 2021
Total visitors: 550453

Anin fuik ne’ebe akontese foin lais konsegue sobu infrastrutura Eskola Sekundario Tekniku Vokasional (ES-TV) Malibaka, iha Munisipiu Maliana, hodi fo impakto ba prosesu aprendisagem.

Ministro MEJD, Armindo Maia hateten, akontesimento ne’ebe mak rezulta ES-TV Malibaka hetan estragos ne’e ministerio foti kedan medidas no fo ona instrusaun ba diresaun infrastrutura no ekipa tun ona hodi halo levantumento de dados.

Diretor Edukasaun Munisipio Bobonaro, Alcino Barreto Joao hateten, ES-TV refere hetan estragos husi anin fuik no sobu edifisiu tolu komposto husi sala de aula 9 no sala laboratoriu komputador nian.

“Edifisiu sira ne’e kuaze hetan hotu estragos tanba anin sobu kakuluk ne’e sai hotu, maibe ekipamento eskola nian diak hela,” nia informa.

Nia dehan, husi akontesimento ne’e sobu deit mak infrastrutura eskola nian maibe konaba material ezame nasional nian diak hela tanba ezame nasional hotu intrega kedan ba ministerio hodi halo koreksaun.

“Dadaun ne’e prosesu aprendisagem hetan impakto tanba la iha edifisiu seluk tan atu sira bele utiliza,” Diretor Edukasaun Munisipio Barreto dehan.

Nia dehan, total estudante iha eskola refere iha nain 700 resin, maske infrenta problema sira ne’e eskola nafatin hanoin oinsa atu jere halo didiak sala de aula ne’ebe sei iha nune’e estudante sira bele tuir prosesu aprendisagem hodi hein apoio husi Ministerio Edukasaun Juventude no Desporto (MEJD).

“Akontesimento ne’e verbalmenete ami informa ona ba ministerio por eskrito mak dadaun ne’e ami halo hela elaborasaun ba material sira,” nia informa.

Entretanto, Ministro MEJD, Armindo Maia hateten, akontesimento ne’ebe mak rezulta ES-TV Malibaka hetan estragos ne’e ministerio foti kedan medidas no fo ona instrusaun ba diresaun infrastrutura no ekipa tun ona hodi halo levantumento de dados.

“Sira halo tiha levantumento de dados depois mak ita toma medidas hodi bele rezolve situasaun hirak ne’e,” nia dehan.

Tanba ne’e nia refere, governo sei foti medidas iha tempo badak nune’e estudante sira bele kuntinua prosesu aprendisagem atu nune’e labele adandona estudante sira liu-liu iha ezame pasagem de klase nian.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04