Sábado, Fevereiro 27, 2021
Total visitors: 550453

Ministerio Edukasaun Juventude no Despoprto (MEJD) rekonhese be’e sai problema ba implementasaun programa to’os eskolar tanba eskola barak mak seidauk kompleta ho asesu ba be’e.

Diretor Diresaun Nasional Asaun Sosial Eskola (DNSE) iha MEJD, Joaquin Martins hateten, programa to’os eskolar maioria eskola hotu implementa nune’e bele apoio ba merenda eskolar, maibe iha eskola balun rezultado la iha tanba be’e la iha.

Diretor Diresaun Nasional Asaun Sosial Eskola (DNSE) iha MEJD, Joaquin Martins hateten, programa to’os eskolar maioria eskola hotu implementa nune’e bele apoio ba merenda eskolar, maibe iha eskola balun rezultado la iha tanba be’e la iha.

“Ita rekonhese katak eskola barak mak be’e la iha no sai problema ba implementasaun programa to’os eskolar ne’e rasik,” DNASE Martins informa.

Nia dehan, implementasaun ne’e estudante ho professor sira kontente tebes hodi implementa maibe nune’e fim rezultado la diak tanba be’e.

“Ministerio mos esforsu hela atu bele rezolve problema be’e iha eskola sira maibe orsamento mak la sufsiente no ita labele rezolve dala ida deit tenke fazeadamente,” nia saliente.

Maibe nia dehan, ministerio sei kopera ho linha ministerio, liu-liu SAS sira iha munisipio atu bele hare asuntu ida, maibe konforme ba eskola iha area geografikamente tanba eskola iha foho leten be’e labele asesu.

“Dadaun ne’e ita serviso hamutuk ho ita nia parseiro Internasional liu-liu World Food Programme (WFP) hodi apoio halo instalasaun be’e ba eskola balun hodi implementa projeto to’os eskolar,” nia dehan.

Iha fatin hanesan, Xefe Programa WFP nian, Anastacio Suriano hateten, dadaun ne’e WFP apoio Ministerio Edukasaun hodi halo instalasaun be’e ba eskola ensinu baziku lima.

“Eskola lima ne’ebe ita apoio dada be’e tanba ita identifikado ona katak area refere merese hodi implementa to’os eskolar,” nia dehan.

Nia dehan, dadaun ne’e eskola lima ne’e bele implementa ona to’os eskolar tanba be’e WFP instala ona.

“Eskola lima ne’e mak hanesan, EBC 3 Metinaro, Darelau, Manleuana, Ensinu Baziku Central (EBC) Lelau, no Ensinu Baziku Filial (EBF) Lelau, no EBF Lebutun, eskola hira ne’e rai diak hodi halo to’os eskolar maibe be’e mak la iha,” nia informa.

Alende ne’e total orsamento ba instalasaun be’e hamutuk $300,000 ba eskola lima refere.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04