Terça, Março 09, 2021

Ministerio Edukasaun Ensinu Superior no Kultura (MEESK) hahu halo ona pagamento ba familia afetado nain 44 husi projetu governu nian ba kriasaun Sidade Universitaria Aileu.

Ministro MEESK Longuinhos dos Santos hateten, levantamento dados ba familia afetado sira governo finaliza ona ho dadaun ne'e govenro halo ona apoio indiminizasaun.

Ministro MEESK Longuinhos dos Santos hateten, levantamento dados ba familia afetado sira governo finaliza ona ho dadaun ne'e govenro halo ona apoio indiminizasaun.

“Dadaun ne’e ita hahu halo ona pagamento ba familia uma kain 12 depois ita halo fali familia uma kain 32,” nia dehan.

Nia dehan, apoio indiminizasaun ne’e fazeadamente no governo sei la finaliza dala ida deit tanba hare ba situsaun maibe iha finaliza iha fulan Janeiro 2021 nian.

“Selu indiminizasaun ne’e kustu kada uma kain la hanesan tanba ita apoio tuir uma ne’ebe mak antes ne'e eziste ona,” Ministro MEESK informa.

Maibe nia dehan, selu indiminizasaun ne’e bazeia ba lei hanesan indiminizasaun ba rai, ai-horis no uma tuir kusto ne’ebe mak deside ona.

“Total orsamento ba pagamento indiminizasaun husi orsamento estado nain,” nia salienta.

Alende ne’e nia dehan, depois de halo indiminizasaun governo finaliza kedan estudo viabilidade no dezenhu konstrusaun mak foin hahu konstrusaun.

Iha parte seluk, Sekretario Nasional Rede Edukasaun Timor-Leste Coalition for Edukasuan (TLCE), Jose Monterio hateten kriasaun Sidade Universitaria Aileu ne’e kuntribui tebes ba kualidade edukasaun nivel ensinu superior iha Timor-Leste.

Maibe nia dehan, kriasaun Sidade Universitaria Aileu ne’e tenke hare mos area sira ne’ebe mak presija duni inklui kria kampu de trabalho ba estudante sira nune’e sira remata, fatin serviso tenke iha, la’os remata iha sidade universitaria depois dezemprego nafatin.

“Ita husu mos ba governo no estado ida ne’e tenke rezolve uluk lai familia ne’ebe mak afetado, atu nune’e tama iha prosesu konrtsusaun labele mosu tan problema seluk,” TLCE Monteiro dehan.

Tanba ne’e nia dehan, dadaun ne’e komesa rezolve ona balun maibe maioria mak seidauk selu tanba ne’e governo tenke halo no responde iha tempo badak atu nune’e komunidade sira labele hein kleur liu.

“Tanba sira kopera ona husi husik fatin refere maibe governo mos tenke responde lalais ba sira nia ejijensia,” nia salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04