Sábado, Fevereiro 27, 2021
Total visitors: 550453

Ministerio Edukasaun Juventude no Desporto (MEJD) hapara provizorio prosesu aprendisagem iha eskola publiku no privado sira iha Timor-Leste, komposto husi pre-eskolar to’o sekunadrio tanba surto Corona Virus ne’ebe mak akontese iha Timor-Leste no tuir regras ne’ebe mak fo sai ona katak labele halibur malu liu ema nain 10.

Ministro MEJD, Armindo Maia hateten tuir dekreto governo nunero 21/2020 dia 30 de dezembro konba medidas de prevensaun no deklarasaun estado emergensia liga ba artigo 28 konaba estabelesimento de ensino ho ida ne’e MEJD deside hapara provizorio prosesu aprendisagem iha eskola sira.

Ministro MEJD, Armindo Maia hateten tuir dekreto governo nunero 21/2020 dia 30 de dezembro konba medidas de prevensaun no deklarasaun estado emergensia liga ba artigo 28 konaba estabelesimento de ensino ho ida ne’e MEJD deside hapara provizorio prosesu aprendisagem iha eskola sira.

“Tanba ne’e Ministerio Edukasaun Juventude no Desporto deside hodi hapara provizorio prosesu aprendisagem iha eskola no aktividade seluk hanesan inskrisaun ba estudante foun nune'e mos orientasaun,” Ministro Maia informa.

Nia dehan, dadaun ne’e aktividade eskola sei parado no ministerio kuntinua oferese prosesu aprendisagem liu husi programa eskola ba uma liu husi Radio no Televizaun no mos youtube no mos sei distribui livro ba estudante sira kada eskola hodi bele estuda iha uma.

Alende ne’e nia informa, durante hapara prosesu aprendisagem iha eskola sira iha rai laran, MEJD sei kopera fali ho Ministerio Saude (MS) hodi hare hodi kompleta fali fasilidade prevensaun iha eskola sira hodi implementa medidas prevensaun kada eskola nian.

“Fasilidade prevensaun sira hanesan tanke be’e, sabaun, maskara no fasilidade seluk ne’ebe mak presija antes ne'e oferese ona maibe governo sei hadia no kompleta diak liu tan,” nia salienta.

Tanba ne’e nia dehan, atu rezolve fasilidade hirak ne’e governo kuntinua husu tulun ba parseiro internasional no lokal sira atu bele apoio hodi bele kompleta iha eskola sira tanba governo osan laiha.

Iha parte seluk Cordenador Rede Edukasuan Timor-Leste Caolition for Education (TLCE), Jose Monteiro, hateten hare ba situasaun Covid-19 ne’ebe mak komesa rejisto fali ona iha Timor-Leste, TLCE apoio MEJD hodi hapara posesu aprendisagem iha eskola tanba moras Covid-19 ne’e fasil liu hadaet iha ema halibur malu barak.

“Hare mos ba regras ne’ebe mak ita nia estado fo sai ona katak labele halibur malu liu nain 10 ne’e diak liu tan atu bele prevene moras at ne’e atu nune’e ita labele akontese hanesan nasaun sira seluk ne’ebe mak afetado no ema barak mak lakon vida,” nia dehan.

Tanba ne’e nia salienta, diak liu la’o tuir regras ne’ebe fo sai ona tanba realidade iha eskola sira fasilidade seidauk kompleto liu-liu be’e moos no fasilidade prevensaun seluk tan hodi prevene corona virus.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04