- Publika iha: 08 Janeiro 2021
Rede Edukasaun Timor-Leste Coalition for Education (TLCE) husu Ministerio Edukasaun Juventude no Desporto (MEJD) atu reforsa implementsaun programa eskola ba uma halo diak liu tan nune’e bele fasilita estudante sira aprende iha uma durante estado emergensia (EE) ba dala IX nian.
Kordenador TLCE, Jose Monteiro hateten liga ba EE IX ne’ebe mak Prezidente dekreta hodi hapara aktividade eskola tanba labele halibur ema liu nain 10 ne’e diak maibe fo impkato ba dezenvolvimento edukasaun iha Timor-Leste.
“Ita hare iha estado emergensia iha fulan tolu primeiro ne’ebe mak governo deside hapara provizorio eskola, prosesu aprendisagem ne’ebe mak aplika liu husi programa Eskola Ba Uma fo sai husi televizaun, rasio no media sosial sira ne’e ladun fasilita estudante sira prende tanba ladun atrai estudante sira,” TLCE Monteiro.
Nia dehan, programa Eskola Ba Uma ne’e diak maibe estudante barak mak la partisipa tanba iha foho rede internet la iha, estudante balun iha uma laiha televizaun hodi akompanha, tanba ne’e fo impakto makas ba abilidade estudnte sira nian.
“Tanba ne’e TLCE husu Ministerio Edukasaun Juventude no Desporto (MEJD) atu reforsa diak liu tan implementasaun programa Eskola Ba Uma liu-liu reforsa iha rede internet nune’e mos ba estudante sira ne’ebe mak iha area rurais la iha televizaun tenke fahe livro tuir pajina sira ne’ebe mak fo sai iha programa ne’e rasik,” nia hateten.
Nia dehan, konaba rede internet MEJD bele serviso hamutuk ho Ministerio relevante sira hodi bele fasilita no livro ministerio bele rezolve rasik .
Entretanto, Ministro Edukasaun Juventude no Desporto (MEJD), Armindo Maia hateten, prosesu aprendisagem iha eskola mak parado maibe, ministerio nafatin esforsu no kopera ho ministerio relevante sira hodi bele fasilita estudante sira aprende liu husi televizaun, radio, Youtube nune’e mos media social hanesan Facebook.
“Ita rekonhese katak implementasaun programa eskola ba uma ne’e estudante barak mak la asesu, tanba rede internet la diak, balun mos la asesu tanba la iha ekipamento eletroniku, estudante balun ne’e mak hela iha Dili mos maioria la asesu,” Ministero MEJD infrorma.
Tanba ne’e nia dehan, konaba rede internet ministerio sei reforsa fali koperasaun no ministerio relevante hanesan Ministerio Transporte no Telekomunikasaun hodi hare fali nune’e bele rezolve oinsa oferese sim gratuito ka oinsa.
“Dadaun ne’e ita iha komunikasaun ona maibe seidauk iha rezultado konaba ofrese internet gratuito ba estudante konaba ofrese livro ne’e fikxu no hahu distribui ona,” nia dehan.
Alende ne’e nia informa, durante hapara prosesu aprendisagem, MEJD kopera ho Ministerio Saude hodi kompleta fali fasilidade prevensaun iha eskola sira hodi implementa medidas prevensaun kada eskola.