Sábado, Fevereiro 27, 2021
Total visitors: 550453

Ministerio Edukasaun Juventude no Desporto (MEJD) distribui ona maskara hamutuk 67,000 ba eskola iha munisipio 4 inklui Covalima, Bobonaro, Liquica, no iha kapital Dili.

Ministro MEJD, Armindo Maia, hateten dadaun ne’e ministerio distribui uluk ba eskola iha munisipio haat ne’ebe identifikado ona tanba munisipio refere mak sentro liu ba transmisaun virus Covid-19.

Ministro MEJD, Armindo Maia, hateten dadaun ne’e ministerio distribui uluk ba eskola iha munisipio haat ne’ebe identifikado ona tanba munisipio refere mak sentro liu ba transmisaun virus Covid-19.

“Maskara 67,000 ne’e ita fo uluk prioridade mak munisipio 4 ne’e tanba ita konsidera risku ba transmisaun surtu Covid-19 iha Timor, liu-liu iha eskola,” nia dehan.

Nia dehan, maskara hirak ne’e MEJD hetan apoio husi parseiro internasional sira inklui UNICEF, governo Australia, governu China, no seluk tan iha tinan kotuk 2020.

“Maskara ne’ebe mak ita nia parseiro sira apoio iha tinan kotuk, ita asegura hela 67,000 nune’e MEJD hodi halo distribuisaun ba eskola sira nune’e estudante sira bele utiliza ba eskola,” nia informa.

Tanba ne’e Ministro Maia husu mos ba inan aman sira atu fo mos kontribuisaun hosi asegura ona sira bele livre husi moras at ne’e nune’e bele partisipa iha prosesu aprendisagem.

Iha parte seluk, Cordenador Rede Edukasuan Timor-Leste Caolition for Education (TLCE), Jose Monteiro hateten governo hakarak loke hikas eskola tenke kompleta mos ekipamentos prevensaun sira iha eskola sira nune’e estudante no professores sira bele utiliza bainhira halo prosesu aprendisagem.

“Ita husu mos governo labele hare deit ba munisipio ne’ebe mak risku ba Covid-19 maibe tenke tau matan mos ba eskola sira iha area rural, tenke kompleta fasilidade prevensaun sira liu-liu be’e moos,” nia hateten.

Nia apela ba MEJD tenke luta makas, ho parseiro sira, hodi hetan ona ekipamentos hijene sira hodi responde ba nesesidade eskola nian, nune’e estudante no professor sira sente seguru hodi halo prosesu aprendisagem.

“Ita husu mos ba Ministerio Edukasaun Juventude no Desporto atu labele garante deit ba ekipamentos prevensaun sira ne’ebe mak distribui ona, maibe tenke kopera ho Ministerio Saude karik bele destaka pesoal saude kada eskola nune’e bele kontrola,” TLCE Monteiro husu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04