Sexta, Março 29, 2024
Total visitors: 766366

Ministerio Edukasaun Juventude no Desporto (MEJD) hahu reativa fali implementasaun programa merenda eskolar ne’ebe mak durante ne’e parado tanba problema Covid-19.

Diretor Diresaun Nasional Asaun Sosial Eskolar (DNASE), iha MEJD, Joaquim Martins hateten, tuir lolos programa merenda eskolar ne’e hahu implementa ona iha fulan Jenairo ne’e, maibe iha problema balun ne’ebe presija hadia tanba ne’e implementa fali iha fulan Fevereiro.

Diretor Diresaun Nasional Asaun Sosial Eskolar (DNASE), iha MEJD, Joaquim Martins hateten, tuir lolos programa merenda eskolar ne’e hahu implementa ona iha fulan Jenairo ne’e, maibe iha problema balun ne’ebe presija hadia tanba ne’e implementa fali iha fulan Fevereiro.

“Orsamento ba implementasaun merenda eskolar ne’e husi Ministerio Estatal no transfere diretamente ba konta bankaria finansas Munisipio nian hodi fasilita merenda eskolar tuir plano ne’ebe ita halo ona,” nia dehan iha Infordepe.

Nia dehan, orsamento nia montane iha Estatal mak hatene, maibe transfere ona ba Munisipio hodi impelemeta merenda eskolar iha eskola.

“Tanba ne’e hahu dia 15 reativa fali programa merenda eskolar iha eskola, tanba durante ne’e parado ligado ho situasaun Covid-19 iha eskola,” Diretor DENASE Martins hateten.

Nia dehan, menu ba estudante sira konsumu ai-han tama iha kategoria tolu ai-han karbohidrato, nutrisaun no ai-han ne’ebe haburas saude hanesan, etu, talas, modo tahan no naan.

“Total ita nia estudante ne’ebe mak atu simu merenda eskolar iha Timor laran hamutuk 320.539 komposto husi pre-eskolar, ensinu baziku sira,” nia infroma.

Entretanto, Kordenador Rede Edukasaun Timor-Leste Coalition for Education (TLCE), Jose Monteiro agradese tebes tanba governo bele iha hanoin hodi reativa fali programa merenda eskolar hodi fasilita estudante sira iha eskola.

“Maibe ita hakarak hahan ba merenda eskolar ne’e tenke inklui ai-han sira ne’ebe mak kada munisipio nune’e bele tuir orientasaun husi ministerio saude nian konaba nutrisaun nian,” TLCE Monteiro informa.

Tanba ne’e nia dehan, objetivo husi implementasaun programa merenda eskolar ne’e, atu hasae nutrisaun estudante nian, maibe kuando estudante sira konsumu deit hahan kimia no la iha balansu, nutrisaun ne’e mai husi ne’ebe.

“Ita husu merenda eskolar ne’e tenke utiliza produto lokal sira ne’ebe mak kada numusipio iha no kualidade diak hodi kuntribui ba nutrisaun diak estudante nian,” nia salienta.