Sábado, Junho 19, 2021

Kompanhia operadora Telkomcel apoio ona internet gratuito hamutuk 700MB hodi fasilita estudante sira husi Instituto of Businees (IOB) hodi tuir prosesu aprendisagem via online.

Kompanhia operadora Telkomcel apoio ona internet gratuito hamutuk 700MB hodi fasilita estudante sira husi Instituto of Businees (IOB) hodi tuir prosesu aprendisagem via online.

Reitor IOB, Augusto Ximenes, hateten internet gratuita ne’ebe mak telkomcel apoio ne’e bazeia ba koperasaun diak entre instituisaun rua ne’e liu husi MoU ne’ebe asina ona iha tinan hirak liu ba, no akordu refere ba tinan lima nian.

“Tanba ne’e ohin kompanhia operadora Telkomcel apoio tan internet gratuitu hamutuk 700MB ba estudante IOB sira hodi fasilita sira prosesu aprendisagem durante iha serka sanitaria,” Reitor IOB Ximenes informa.

Nia dehan, prosesu ne’ebe estudante sira hetan hodi asesu ba internet gratuitu ne’e liu husi rejisto sim car Telkomcel no identidade estudante nian iha Telkomcel nune’e bele hetan transferensia pakote gratuitu deit.

“Husi internet gratuita ne’ebe mak ita nia parseiru operadora Telkomcel oferese ne’e bele fasilita nafatin estudante sira hodi partisipa iha aula diastansia durante iha serka sanitaria,” nia salienta.

Tanba ne’e, nia agradese tebes ba kompanhia Telkomcel tanba bele iha inisiativa diak hodi apoio estudante sira iha situasaun serka sanitaria.

Alende ne’e nia dehan, antes ne’e kompanhia Telkomcel mos apio ona nesesidade bazika ba estudante IOB sira ne’ebe mak hela iha kost.

Entretantu, estudante Sandra Trindade Lay hateten, durante eskola online ne’e maioria estudante labele asesu ho diak tanba problema pulsa.

“Maibe espera ho internet gratuitu ne’ebe mak oferese husi kompanhia Telkomcel bele fasilita ami hotu partisipa iha klase online,” estudante Lay dehan.

Tanba ne’e agradese tebes ba pakote gratuitu ne’ebe mak kompanhia Telkomecel oferese mai estudante sira hodi bele tulun estudante hodi partisipa iha prosesu aprendisagem via online.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04