Quinta, Setembro 23, 2021
Total visitors: 578526

Diretor Edukasaun Munisipiu Bobanaro, Crispin Markes Nunes, hateten hapara provizoriu ezame priodu no prosesu aprendizajen iha eskola 4 tanba identifika ona estudante balun ne’ebe pozitivu Covid-19.

Diretor Edukasaun Munisipiu Bobanaro, Crispin Markes Nunes, hateten hapara provizoriu ezame priodu no prosesu aprendizajen iha eskola 4.

“Tanba ne’e ita deside hodi hapara provizoriu ezame nune’e ita nia estudante sira bele izola an hakmatek iha uma deit hodi hein rezultado teste husi Ministeriu Saude,” Diretor Markes hateten via WhatsApp.

Nia dehan, desizaun hodi hapara provizoriu ezame no eskola bazeia ba orientasaun husi Ministeriu Edukasaun Juventude no Desportu (MEJD) nian nune’e bele prevene transmisaun ba estudante sira seluk.

“Ita nia estudante ne’ebe mak identifikadu ona pozitivu oras ne’e dadaun iha hela sala izolamentu iha Tasi Tolu Dili,” nia dehan.

Tanba ne’e nia husu mos ba inan aman sira atu kuidado didiak estudante sira iha uma, bandu sira labele halo movimentu nune’e labele kontaktu fisiku ho ema seluk.

Alende ne’e nia dehan, total eskola iha munsipiu Bobanaro hamutuk 36 husi ne’e eskola baziku central 1 no filial 3, hamutuk 4, mak hapara, no eskola seluk 32 prosesu aprendisagem no ezame la’o normal hanesan bai-bain.

Iha parte seluk, Cordenador Rede Edukasaun Timor-Leste Coalition for Education (TLCE), Jose Monteiru, hateten desizaun ne’ebe mak edukasaun munisipiu foti ne’e pozitivu tebes nune’e bele prevene transmisaun virus corona entre estudante sira.

“Maibe Ministeriu tenke rezolve valor nee’ebe mak signifikante ba ita nia estudante sira nune’e sira la bele lakon oportunidade iha ezame primeiru trimester ne’e” Cordenador TLCE Monteiru hateten.

Alende ne’e, nia husu mos ba inan aman sira bainhira estudante sira izola iha uma nafatin kontrola sira estuda ka halo trabalhu sira ne’ebe mak professor sira oferese no koragem nafatin sira atu labele lakon vontade hodi aprende mesak iha, uma maske defisil.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04