Quinta, Setembro 23, 2021
Total visitors: 578526

Ministerio Edukadukasaun Juventude no Desportu (MEJD) rekonhese katak kualidade eskola publiku menus liu kompara ho eskola privadu sira ne'ebe existe iha Timor-Leste.

Ministerio Edukadukasaun Juventude no Desportu (MEJD) rekonhese katak kualidade eskola publiku menus liu kompara ho eskola privadu sira ne'ebe existe iha Timor-Leste.

Ministru MEJD, Armindo Maia, hateten tuir rezultadu ezame nasional kada tinan maioria eskola privadu sira mak okupa iha primeiro klasifikasaun no segundu klasifikadaun no eskola publiku mak okupa iha terseiru klasifikasaun.

"Husi rezultadu hirak ne'e hatudu katak eskola publiku menus liu kualidade kompara ho eskola privadu sira,"MEJD Maia dehan.

Nia dehan, eskola publiku sira menus liu kapasidade tanba, sala de aula menus, aula ida tenke akumula estudante to'o nain 60-70 nune'e mos menus rekursu humanus no fasilidade seluk tan.

"Ho problema hirak ne'e mak fo impaktu ba kualidade husi eskola publiku sira, maibe ita nafatin esforsu hodi rezolve problema sira ne'ebe eskola publiku infrenta," nia salienta.

Tanba ne'e nia dehan, ministeriu nafatin esforsu hodi hadia kualidade, kada tinan sempre preve osan ba insfrastrutura biblioteka, laboratoriu, no forma rekursu humanu atu bele eleva kualidade maibe seidauk maximu.

"Ita nafatin esforsu hodi dezenvole neineik loron ida kualidade eskola publiku no privadu sei hanesan no la iha komparasaun tan," nia salienta.

Entretantu, Prezidente Komisaun F, Trata Asuntu Edukasaun no Kultura, iha Parlamentu Nasional, Deputadu Antonio Verdial, hateten problema ne'ebe mak fo impakto ba kualidade edukasaun mak iha fator infrastrutura eskola, biblioteka la iha, menus livru no buat seluk tan, problema hirak ne'e governu hatene ona maibe, sala iha implementasaun planu servisu.

"Ita hare kada tinan aloka orsamentu ba setor edukasaun ne'e bo'ot maibe la iha planu ne'ebe mak adekuadu hodi dezenvolve kualidade iha eskola publiku sira," Prezidente Komisaun F Verdial hateten.

Tanba ne'e nia dehan, eskola privadu sira fasilidade kompletu hodi fasilita nia estudante sira, estudante prense iha aula laran tuir padraun la hanesan ho eskola publiku.

"Maibe ita hare eskola publiku sira mos estudante mesak matenek maibe kondisaun mak la diak hanesan ho eskola privadu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04