Sexta, Janeiro 21, 2022

Governu liu Ministeriu Edukasaun Juventude no Desportu (MEJD) seidauk halo avaliasaun ba professores sira ne'ebe mak durante ne'e tuir formasaun pofessores iha Instituto Nasional Formasaun Professional Dosente no Professore (INFORDEPE).

Diretor Jeral MEJD, Odelia Das Dores Martins, hateten professor 14,000 resin ne'e durante ne'e tuir ona formasaun konaba lingua, jestaun eskolar no mos konaba pedagogia nian.

Diretor Jeral MEJD, Odelia Das Dores Martins, hateten professor 14,000 resin ne'e durante ne'e tuir ona formasaun konaba lingua, jestaun eskolar no mos konaba pedagogia nian.

"Ita nia professor 14,000 ne'e tuir ona formasaun maibe ministeriu seidauk halo avaliasaun hodi hatene lolos konaba konhesimentu proferssores nian to'o iha ne'ebe," nia hateten.

Nia hateten, atu hatene konhesimentu professor sira nian tenke liu husi prosesu avaliasaun, maibe durante ne'e avaliasaun la iha.

"Ita kuntinua halo formasaun rotasaun ba professor no sei hahu iha tinan oin nune'e mos halo avaliasaun ba sira nia kunhesimentu," DG MEJD Dores hateten.

Nia dehan, kada tinan ministeriu sempre fo prioridade ba formasaun professores no professores ne'ebe partisipa husi eskola mak rekomenda.

Entretantu, Kordenador Rede Edukasaun Timor-Leste Coalition for Edcation (TLCE), Jose Monteiro, hateten liu husi peskija espesifiku ne'ebe sira halo liu-liu ba professor sira ne'ebe hanorin Ensinu Baziku iha territoriu laran hatudu katak kuaze professor 45% mak seidauk iha konhesimentu diak hodi transforma siensia ba estudante sira ho lian portugues.

Nia dehan professor hirak ne'e maioria husi area rurais, sira hatene portugues maibe atu transforma siensia ne'e difisil tebes utiliza lian portugues, tanba durante ne'e sira la iha oportunidade ba formasaun professores ne'ebe mak governu realiza.

"Durante ne'e sira tranforma siensia ba estudante ho lian portugues ne'e minimu liu, dalan barak mak lian tetun," Kodenador TLCE Monteiro.

Nia dehan, governu presija tau prioridade formasaun professor ba lian portuguesa liu-liu ba iha area rurais, hodi hasae sira nia kunhesimentu diak hodi eduka estudante sira.

"Atu hadia kualidade no dezenvolvimentu iha area edukasaun barak liu mai husi professor sira tanba formasaun professor ne'e tenke involve professor hotu iha kapital ka rural," nia hateten.

Nia dehan, professor hirak ne'e hatene portugues maibe atu transforma siensia ne'e sira la iha konhesimentu diak.

Tanba ne'e, nia husu ba MEJD tenke fo prioridade ba formasaun professor liu-liu konaba transformasaun siensia ba estudante sira ho diak no tuir duni curiculu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04