Sexta, Janeiro 21, 2022

Governu liu husi Ministeriu Edukasaun Juventude no Desportu (MEJD) no Ministeriu Saude (MS) ofisialmenta reativa prosesu aprendisagem ba eskola sira iha kapital Dili laran ne'ebe mak durante fulan hitu taka provesoriu tanba ameasa surtu Covid-19 nian.

Ministro MEJD Armindo Maia hateten, durante fulan hitu hahu husi fulan Marsu to'o Setembru prosesu aprendisagem iha eskola paradu.

Ministro MEJD Armindo Maia hateten, durante fulan hitu hahu husi fulan Marsu to'o Setembru prosesu aprendisagem iha eskola paradu tanba governu implementa serka sanitaria no konfinamentu obrigadoriu iha kapital Dili hodi halo prevensaun ba covid-19.

Maibe nia dehan, dadaun ne'e governu liu husi Konsellu Ministrus hakotu ona serka sanitaria no konfinamentu obrigatoriu iha Dili no autoriza hikas aktividade hotu iha Dili laran.

"Ohin Ministeriu Edukasaun Juventude no Desportu (MEJD) ofisialmente reativa aktividade prosesu aprendisagem iha eskola ba pre-eskolar to'o sekundariu iha kapital Dili," Ministro MEJD Maia informa.

Tanba ne'e nia dehan, hahu seguda dia 11 Outubru estudante sira bele ba ona eskola hodi tuir aula prejensial hanesan bai-bain iha eskola.

"Maibe ita husu atu kada eskola kumpri nafatin tegras protokolu husi ministeriu saude hodi halo prevensaun ba transmisaun Covid iha eskola no fatin ne'ebe deit," nia dehan.

Alende ne'e nia dehan, Professor sira maioria kompleta vasina hotu ona inkliu estudante sira ne'ebe mak idade iha 17 anos ba leten.

"Ita enkoraza nafatin Professor sira ne'ebe mak seidauk, bele ba vasina nune'e hodi hanorin estudante iha aula prezensial," Ministru Maia husu.

Iha fatin hanesan, Diretora Geral Ministeriu Saude, Doutora Odete da Silva Viegas hateten, desde Covid-19 mosu iha 2020 Timor-Leste ultrasapa ona etapa lubuk ida no konsegue kontrola surtu Covid-19 ho diak.

"Maibe iha 2021 ita la konsegue kontrola tanba prezensa variante delta no numeru obitu aumenta no signifikante tebes maibe kada loron komesa menus," DG MS Viegas dehan.

Nia hateten, liga ba numeru kazu ne'ebe hahu menus MEJD ho MS desidi reativa hikas eskola ba estudante sira, maibe tenke kumpri regras, uza maskra, mantein distansiamentu sosial no fase liman bei-beik.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04