Sábado, Novembro 27, 2021
Total visitors: 592977

Tuir relatoriu peskiza ne'ebe mak Timor Leste Coalition for Education (TLCE) halo ba eskola iha munisipiu hitu hanesan, Baucau, Lauten, Aileu, Ainaru, Manatuto, Ermera no Bobanaru hatudu katak iha eskola 79 maioria husi area rurais kuntinua menus kadera no meza kada tinan.

Cordenador TLCE, Jose Monteiro, hateten eskola hirak ne'e distansia dok husi sidade, sira menus kadera meza hahu husi tinan 2015 mai to'o ohin loron.

Cordenador TLCE, Jose Monteiro, hateten eskola hirak ne'e distansia dok husi sidade, sira menus kadera meza hahu husi tinan 2015 mai to'o ohin loron.

"Durante ita nia rezultadu peskiza ne'e ita sempre aprezenta ba Ministeriu Edukasaun Joventude no Desportu (MEJD) maibe seidauk bele responde to'o agora," Kordenador TLCE Monterio hateten.

Nia dehan, iha eskola hirak ne'e sempre menus kadera ho meza tanba kada tinan numeru estudante sempre aumenta no kadera meza ne'ebe mak durante ne'e sira utiliza desde 2003 mai to'o ohin loron kondisaun at hotu ona.

"Dadaun ne'e ita nia estudante sira iha eskola 79 ne'e balun tur deit iha rai no balun tur troka malu kadera hodi partisipa prosesu aprendisagem," nia salienta.

Nia dehan, problema menus kadera ho meza ne'e mos inpaktu ba partisipasaun estudante nian iha aula tanba sira tur iha rai sira ladun konfortabel hodi simu materia.

"Ita husu ba governu tenke esforsu maka'as hodi rezolve problema fakta kadera no meza ba eskola sira," nia husu.

Entretantu, Diretor Geral Ministeriu Edukasaun Juventude no Deaportu (MEJD) Odelia Martins hateten, tuir dados ne'ebe iha total eskola ne'ebe mak falta kadera ho meza iha 347, husi ne'e governu hahu kompleta ona iha eskola balun iha tihan 2018-2019.

"Iha 2020 to'o mai 2021 ne'e ita labele halo buat ida tanba ita la iha stok kadera no meza iha armagem hodi ofrese ba eskola sira no kadera meza sira ne'e produz iha Japaun," DG MEJD Martins hateten.

Tanba ne'e nia dehan, governu tau ona iha priodade hodi bele tau osan ba produs kadera no meza hodi bele ofrese ba eskola iha iha tinan oin.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04