Sexta, Janeiro 21, 2022

Be'e moos sai difikuldade ba estudante sira iha Postu Admistrativu Balibo tanba, dader san atu ba eskola tenke lao kilomentru 8 ba kuru be'e, nune'e mos iha eskola la iha be'e ba estudante sira hodi asesu ba sanitasaun.

Be'e moos sai difikuldade ba estudante sira iha Postu Admistrativu Balibo.

Admistrador Postu Postu, Balibo Ozorio Gonsalves hateten, problema ne'ebe mak durante ne'e komunidade Balibo hasoru mak be'e moos nune'e mos sai impaktu bo'ot ba estudante sira.

"Iha Balibo iha suku lima mak hanesan, Leo-Lima, Leo- Hitu, Balibo Vila, Coba, Batugade no Palaka Sanerin, maioria komunidade surar tebes asesu ba be'e moos," nia hateten.

Nia dehan, problema be'e moos ne'e, impakto tebes ba prezensa estudante nian iha eskola, tanba estudante sira hader tenke lao dook buka be'e depois mak ba fali eskola tarde ona.

"Iha eskola sira mos be'e laiha, hodi fasilita estudante sira utiliza ba sintina nune'e estudante sira utiliza deit haris fatin publiku ida hamutuk ho komunidade," nia dehan.

Nia dehan, be'e moos ne'e sai faktor importante ba komunidade maibe durante ukun an, komunidade postu Balibo susar tebes asesu ba be'e moos.

Alende ne'e nia dehan, kuandu tempu udan sira konsumu deit udan be'en to'o tempu bain loro sira kumesa buka be'e.

Entretantu, Diretor Eskola Ensinu Baziku Balibo, Domingos Marques, hateten iha eskola iha sintina maibe be'e mak la iha, durante ne’e Professor no estudante sira utiliza deit haris fatin publiku hamutuk ho komunidade.

"Liu-liu ita nia estudante feto sira bainhira menstruasaun sira tenke fila ba uma hodi utiliza be'e ne'ebe sira iha tanba iha eskola be'e la iha," nia dehan.

Nia dehan, be'e ne’ebe mak sira utiliza iha eskola sira sosa fali iha Maliana mak lori ba maibe be'e utiliza deit hodi tein merenda eskolar.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04