Sexta, Janeiro 21, 2022

United States Agency for International Development (USAID) apoiu ona eskola katolika Santa Madalena de Canossa Dili hodi implementa programa Eskola Matak iha eskola hodi halo redusaun ba lixu plastiku iha eskola.

United States Agency for International Development (USAID) apoiu ona eskola katolika Santa Madalena de Canossa Dili hodi implementa programa Eskola Matak.

Diretora Eskola Santa Madalena de Canossa, Madre Guilerminha Marcal, hateten objetivu implementasaun programa Eskola Matak ne'e hodi halo transformasaun ba lixu plastiku ne'ebe uzadu sai produtu util ba nesesidade lor-loron iha eskola.

Nia dehan, programa Eskola Matak ne'e importanete tebes ba Eskola Santa Madalena de Canossa hodi atinje eskola nia mehi katak atu eduka foin sa'e no inan aman sira kria ambiente ne'ebe saudavel no seguru iha ida-idak nian familia.

"Implementasaun programa Eskola Matak ne'e mos ita konsidera importantente tanba ita hare Timor-Leste uluk no agora diferente tebes, uluk tasi moos no furak maibe hahu husi tinan 2010 mai ne'e ambiente hahu foer no laburas, ita hare sidade Dili nakonu ho lixu, tanba ne'e ami husu USAID nian tulun hodi implementa programa refere iha ami nia eskola," Diretora ESMC Marcal hateten.

Tanba ne'e nia agradese ba apoiu husi USAID liu husi programa turismu ba ema hotu hodi bele servisu hamutuk no apoiu implementa programa ne'e hodi realiza eskola Canossa nia mehi sai realidade.

"Alende apoiu implementasaun programa eskola matak, ita mos hetan apoiu kantil hamutuk 5.000 no pasta ba estudante no profrssores sira hodi halo redusaun ba lixu plastiku ne'ebe mak sira konsumu kada loron iha eskola no uma," nia salienta.

Nia hateten, ba oin ofisial eskola estudante sira no inan aman servisu hamutuk hodi enkoraja kada individual sira hodi reduz lixu plastiku no limite emisaun suar metan hahu kedan husi eskola nune'e mos komunidade em jeral.

Iha fatin hanesan, Diretor Misaun USAID iha Timor-Leste, Harold Carey hateten, governu Timor-Leste implementa politika zero plastiku maibe kompresaun konaba kestaun ambiental seidauk to'o iha sosiadade hotu.

"Tanba ne'e ita apoiu eskola sira liu husi implementasaun programa eskola matak nune'e professor, estudante no inan aman sira hodi halo transformasaun ba lixu nune'e mos toma responsabilidade ba soe lixu iha fatin, tau ketak lixu organiku no la organiku no bandu elementu eskola sira utiliza pastiku no masa iha eskola," Diretor USAID Carey hateten.

Nia dehan, programa eskola matak ne'e laos foin implementa maibe antes ne'e implementa ona iha eskola Santo Inacio de Loiola Liquica, Cristal no eskola Esperansa da Patria no rezultadu pozitivu tebes eskola hirak ne'e mos no seguru.

Alende ne'e nia dehan, programa eskola matak ne'e hanesan instrumentu ida importante tebes hodi envolve foin sa'e sira iha edukasaun ambiental.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04