Sexta, Janeiro 21, 2022

Ministeriu Edukasaun Juventude no Desportu (MEJD) hetan apoiu husi parseriu Ajenia ONU nian World Food Program (WFP) no husi Governu China hodi implementa programa merenda eskolar ho ai-han ne'ebe saudavel ba estudante sira tanba ligada pamdemia no inundasaun ne'e akontese eskola difikuldade tebes asesu ba ai- han ne'ebe saudavel.

Ministru MEJD, Armindo Maia, hateten ho problema pandemia no inundasaun ne'ebe mak foin lalais akontese iha Timor-Leste, husi parte eskola defisil tebes atu fornese ai-han ne'ebe nutritivu no saudavel ba estudante sira.

Ministru MEJD, Armindo Maia, hateten ho problema pandemia no inundasaun ne'ebe mak foin lalais akontese iha Timor-Leste, husi parte eskola defisil tebes atu fornese ai-han ne'ebe nutritivu no saudavel ba estudante sira liu-liu iha eskola ensinu baziku.

"Tanba ne'e ita husu tulun ba parseriu dezenvolvimentu sira hanesan WFP no governu China hodi apoiu implementa merenda eskola ho saudavel ba estudante iha eskola," MEJD Maia hateten.

Nia dehan, apoiu ne'ebe mak parseriu sira fo inklui fornese ai-han ne'ebe mak nutriente, konstrui dapur foun, halo intalasaun be'e moos no ho ekipamentu dapur nian.

"Apoiu sira ne'e husu hodi bele tulun governu ho parte eskola atu bele fornese merenda eskolar ho ai-han ne'ebe saudavel ba estudante sira hodi partisipa iha aula prejensial," nia informa.

Nia hateten, apoiu ne'e ba deit eskola ensinu baziku liu-liu ba sira ne'ebe mak identifikadu ona katak depois de inundasaun defisil tebes atu fornese hahan saudavel ba estudante.

"Apoiu ne'e ita halo uluk ba eskola lima iha Dili hanesan ensinu baziku Manleuana no Darelau Lebutu,” nia salients.

Iha fatin hanesan, Embaixador Republika Popular China iha Timor-Leste, Xiao Giangou, hateten governu China kompremetidu nafatin atu apoiu ministeriu edukasaun hodi fornese ai-han ne'ebe saudavel ba estudante sira.

"Ita nafatin prontu ho servisu hamutuk hodi hola pozisaun no tau atensaun ba fornese ai-han ne'ebe mak nutrisaun hodi bele halo prevensaun ba ma-nutrisaun liu-liu ba estudante sira," Embaixador Giangou hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04