Sexta, Janeiro 21, 2022

Embaixador ba ema ho defisiensia, iha Ministerio Obras Publika (MOP), Filomeno Martins da Silva hateten iha tinan 2020, sira hasai ona despacho n?07/MOP/VIII/2020 hodi guia servisu lorloron nian, liu-liu reve dezenho konstrusaun sira ne’ebe aprejenta husi governu no setor privado sira atu asegura obra ne’e iha asesbilidade ba ema ho defisiensia.

 

Embaixador ba ema ho defisiensia, iha Ministerio Obras Publika (MOP), Filomeno Martins da Silva hateten iha tinan 2020, sira hasai ona despacho n?07/MOP/VIII/2020 hodi guia servisu lorloron nian.

Nia konsiente edifisiu publiku no ponte balun iha ona asesibilidade ba ema ho defisiensia, maibe maioria laiha tanba tinan hira liu ba kotuk planu dezenvolvimentu infrastruktura sira la involve ema ho defisiensia no tekniku sira mos laiha sensibilidade.

“Ita seidauk delibera bulding code tanba ita seidauk iha planu urbanizasaun ita atu koloka uma iha ne’ebe, zona industria, drainage no abitasaun sei iha fatin-fatin, entau ho menus sira ne’e ita mai ho despacho atu liga deit ho servisu lorloron nian hodi reve dezenho sira ne'ebe sumbete husi ministerio sira no komersio nian, liu-liu setor privado sira hakarak halo obra ruma,” nia hateten bainhira sai orador ba dialogu ho tema “Garantia Situasaun ne’ebe kondisivu ba Ema ho Defisiensia,” iha Delta Nova, Dili.

Nia dehan atu promove infrastruktura ne’ebe interligadu no konektadu ba malu hodi asegura interese sidadaun vulneravel sira hanesan defisiensia, ferik katuas presiza hare uluk planu ordenamentu ne’ebe liga ba planu urganizasaun.

Iha parte seluk, reprejentante organizasaun tau matan ba ema ho defisiensia, Jose da Silva rekomenda ba governu, liu-liu MOP atu dezenvolve manual padraun ba edifikasaun atu guia kompanhia sira halo obra ne’ebe inklusivu ba ema hotu.

“Hau nia rekomendasaun uluk no nafatin mak ita iha problema ba manual estandarizasaun ba edifikasaun ne’e mak seidauk iha. To’o agora hau buka iha ministeriu hotu buat ne’e laiha,” nia hateten.

Nia dehan sira nia monitorizasaun iha Rejiaun Administrativu Espesial Oecusse Ambeno (RAEOA), iha ponte bo’ot konsidera ona, maibe edifisiu hotu laiha kondisaun ba ema ho defisiensia atu asesu tanba ne’e tenke iha matadalan ida inklusivu atu orienta kompanha sira halo infrastruktura ne’ebe inklusivu ba ema hotu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04