Sexta, Janeiro 21, 2022

Ministeriu Ensinu Superior Siensia no Kultura (MESSK) halo ona pagamentu propinas daruak semester par nian ba estudante hamutuk 34.307 husi ensinu superior akreditadu nain 16 iha Timor-Leste.

Ministeriu Ensinu Superior Siensia no Kultura (MESSK) halo ona pagamentu propinas daruak semester par nian ba estudante hamutuk 34.307 husi ensinu superior akreditadu nain 16 iha Timor-Leste.

Ministru MESSK, Longuinhos dos Santos, hateten inzensaun propinas ne'ebe mak governu apoiu ba estudante universitariu sira ne'e osan haruka direta ba konta bankaria universidade nian, hanesan tinan kotuk no estudante sei la simu diretamente.

"Orsamentu ba pagamentu propinas ba daruak ba estudante 34.307 husi ensinu superior privadu no publiku ne'e hamutuk 4 milhoens," MESSK salienta.

Nia dehan, apoiu propinas ba estudante universitaria sira ne'e liu husi akordu no fo dalan ba Ministeriu Ensinu Superior Siensia no Kultura (MESSK) hodi halo transferensia osan ba konta bankaria universidade nian.

"Osan ne'ebe mak ita ofrese kada estudante hetan direitu ba $150 Amerikanu, $140 ba propinas semester no $10 ba pulsa internet," nia salienta.

Nia hateten, bainhira osan ne'e tama ona iha konta bankaria hodi halo pagamentu propinas ba estudante sira, depois ekipa sei halo fali identifikasaun katak osan ne'e uza duni ba propinas semester estudante nian ka lae, bainhira la halo tuir mak sei dada fila osan husi konta bankaria.

Entretantu, Reitor Universidade da Paz (UNPAZ), Adolmando Amaral, hateten total estudante hamutuk 9.176 mak atu hetan izensaun propinas husi governu bazeia ba dekretu lei 34/2021 konaba prosedimentu apoiu inzensaun propinas ba estudante sira.

"Dadus estudante nian ba inzensaun propinas faze daruak nian, ita submete ona no governu hahu halo ona transferensia osan ba konta bakaria universidade nian," nia hateten.

Iha parte seluk Reitor Universidade Nasional Timor-Lorosa'e UNTL, Joao Soares Martins, hateten husi universidade manda ona relatoriu inzensaun propinas faze daruak nian no akumula estudante hamutuk nain 3.870.

"Husi estudante 3.870 ne'e iha direitu ba osan hamutuk $150 kada estudante no osan ne'ebe husi governu ofrese tuir numeru estudante ne'ebe mak ita submete," nia salienta.

Tanba ne'e nia dehan, osan $150 ne'e direitu estudante nian ba propinas semester nune'e mos pulsa ba pakote internet.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04