Governu liu husi Ministerio Ensino Superior Siensia no Kultura (MESSK) ho Ministerio Finansas (MF) realiza ona pagamento inzensaun propinas faze daruak nian ba estudante universitario hamutuk nain 66.106 iha Timor-Leste laran.

Inspektor Geral MESSK, Higinho Alves, hateten orsamento ba paragemto izensaun propinas ne'e MF halo ona transferensia ba konta bankaria universidade 18 ne'ebe mak eziste ho montante $5.428.394.

Inspektor Geral MESSK, Higinho Alves, hateten orsamento ba paragemto izensaun propinas ne'e MF halo ona transferensia ba konta bankaria universidade 18 ne'ebe mak eziste ho montante $5.428.394.

"Osan hirak ne'e ita transferensia ona ba konta bankaria kada universidade nune'e hodi realiza paragamento ba estudante sira," Inspektor Geral MESSK Alves hateten.

Nia dehan, husi estudante 66.106 ne'e kada estudante hetan direito ba osan ho montante $150 husi ne'e $ 140 ba osan semester $10 ba pulsa.

"Ba pagamento propinas ne'e ita autoriza universidade sira realiza durante iha tempo fulan 3 tenke finaliza ona," nia hateten.

Nia dehan, inzensaun propinas ne'e ezekuta tuir sistema universidade ida-idak nian, maibe nia tarjetu tenke finaliza iha loron 90 nia laran.

Entretanto Reitor Instituto Of Business (IOB) Augosto Martins hateten, total estudante ne'ebe mak sai benefisiariu ba izensaun propinas mak nain 4361 estudantes.

"Orsamento ne'ebe ita hetan ho montante $681.580," Reitor IOB Martins hateten.

Nia dehan, orsamento ne'ebe mak governo transfere ne'e sufsiente tanba bazeia ba lista ne'ebe mak universidade ofrese.

"Hahu semana oin ita komesa ona halo paragemento propinas ba semester estudante nian, tanba governo fo kedan ho data limitasaun," nia salienta.

Tanba ne'e nia husu ba estudante sira atu hakbesik ba universidade IOB lori ho kuitasi ho kartaun estudante hodi bele mai aprezente nune'e finansas universidade bele prosesu ba propinas semester nian.