Sexta, Março 29, 2024
Total visitors: 766366

Implementasaun Programa Nasional Dezenvolvementu Suku (PNDS) durante ne’e konsegue konstrui ona eskola hamutuk sanulu resin ida (11) iha munisipíu Ermera.

Implementasaun Programa Nasional Dezenvolvementu Suku (PNDS) durante ne’e konsegue konstrui ona eskola hamutuk sanulu resin ida (11) iha munisipíu Ermera.

Diretor PNDS Munisípiu Ermera, Martinho de Jesus, dehan eskola 11 refere ho tipu rua, tipu ida aumenta deit saladeaula no fasilidae seluk hanesan haris fatin no bee moos, no tipu rua konstrusaun foun ba eskola kompleta.

Nia dehan, eskola ne’ebé mak halo kontrusaun foun hamutuk 4 no seluk ne’e kompleta de’it saladeaula nune’e mós halo instalasaun bee moos ba eskola sira ne’ebé seidauk kompletu ho bee moos no haris fatin.

“Durante implementa Programa Nasional Dezenvolvimentu Suku (PNDS) konsegue konstrui ona eskola hamutuk 11 iha munisípiu Ermera,” Diretór PNDS Munisípiu Ermera Jesus dehan.

Nia hatete, orsamentu ne’ebé mak sira aloka hodi konstrui eskola sira ne’e tuir nia tipu eskola.

“Eskola sira-ne’ebé mak ita konstrui ne’e komunidade, mak deside katak konstrusaun foun ka aumenta saladeaula de’it,” nia informa.

Nia dehan, eskola konstrusaun foun kompleta no be’e moos sintina ho montante osan $80,000, kuandu aumenta deit saladeaula ho montantu $50,000.

“Eskola hirak ne’e ita finaliza ona konstrusaun no entrega ona ba parte eskola hodi utiliza ba prosesu aprendisagem kada loron,” nia dehan.

Entretantu, Diretor Edukasaun Munisipal Ermera, Eduardo Martins, dehan eskola 11 refere apoiu konstrusaun husi PNDS no husi Ministeriu Edukasaun Juventude Desportu (MEJD) no nia hato’o katak liu husi edukasaun munsipiu hato’o sentidu agradesimentu tanba bele inklina mos asuntu edukasaun iha programa prioridade PNDS nian.

“Servisu koperasaun PNDS no Edukasaun sei kuntinua atu nune’e bele kuntinua halo instalasaun be’e moos ba eskola sira ne’ebé mak be’e seiduk iha,” nia dehan.

Tanba ne’e nia dehan, eskola ne’ebé mak seiduk asesu be’e moos ho di’ak iha Munisípiu Ermera iha eskola 5 ka 6, husi eskola hirak ne’e komunidade hamutuk ho edukasau munisipal rekomenda ona ba iha ekipa PNDS hodi bele halo instalasaun iha tempu besik.