- Publika iha: 30 Outubro 2024
Governu liuhusi Fundu Dezenvolvimentu Kapitál Umanu (FDCH) no Administrasaun Areoportu no Navegasaun Areo Timor-Leste (ANATL) apoiu Timorona hamutuk na’in-rua nulu resin sia (29) ba eskola kona-ba oinsá operasaun aviaun iha Indonézia.
Prezidente Konsellu Administrasaun ANATL, Romualdo da Silva dehan, Timor oan na’in-29 ne'ebé governu apoiu ba eskola Aviasaun iha Indonézia ne'e liuhusi programa bolsu estudu, no servisu hamutuk ho Politekniku Indonézia liu-liu iha área Aviasaun nian, no sira presiza ema na’in-29 atu ba aprende iha ne'ebá.
"Ita apoiu Timor oan hamutuk na’in-29 ne'ebé selesionadu hodi ba eskola kona-ba oinsá halo operasaun aviaun iha Indonézia no fila mai apoiu servisu iha ANATL," nia hatete.
Nia dehan, estudante hirak ne'e selesionadu entre partisipante iha teste ne'e na’in 59 no sira na’in-29 mak valór di’ak no pasa hodi ba hala'o estudu kona-ba operasaun aviaun iha Palembang no Surabaya Indonézia.
"Sira ba eskola ne'e foti área Air Traffic Controller (ATC), ne'e fokaba oinsá atu hatun no hasa'e aviaun iha Timor-Leste, Air Operation ne'e atu halo operasaun iha, Aviation Security, Bombeiros Fair Faiting, nomós telnap ne'e ba navegasaun nia," Prezidente Administrasaun ANATL Silva informa.
Nia informa, Bolseiru sira ne'ebé ANATL haruka ba ne'e la’ós ba S1 no S2, maibé ne'eba diploma 3, depois mai servisu tiha mak kontinua fali sira-nia estudu ba lisensiatura nia, tanba sira ba diploma 3, entaun sira ba eskola tinan tolu, no sira ba ne'e sei hela iha asrama.
"Programa ne'e la’ós foin akontese, maibé ida-ne'eakonteseona no iha bolseriu nain 6 mak remata ona sira-nia estudu no fila ona mai servisu ona iha Aviasaun Timor-Leste," nia salienta.
Enkuantu nia dehan, programa bolsu estudu ne'e apoiu orsamentu liuhusi Fundu Dezenvolvimentu Kapitál Umanu (FDCH).
Iha fatin hanesan Direitor Ezekutivu (FDCH) Julio Aparício dehan programa refere ANATL nian, maibé fundu husi FDCH, entaun servisu hamutuk, hodi apoiu bolseiru na’in-29 ne'eba hala'o estudu iha Indonézia iha área Aviasaun nian.
"Fundu ba ida programa bolsu estudu ne'e hamutuk $ 200 mil ital, ida-ne'e ezekuta tuir orsamentu anual nian no kada tinan ita tau osan," niain forma.
Enkuantu husi estudante sira-ne'e atu aranka ne'e kada ema ida hetan, hetan $400 depois mak sei aumenta tan bainhira sira hahú eskola ona.