Terça, Novembro 24, 2020
Total visitors: 536534

Diretora Organizasaun Forum Komunikasaun Feto Timor Lorosa’e (FOKUPERS), Maria Jose Guterres informa, vitima sira husi kazu abuzu seksual ne’ebe komete husi eis padre ho inisial RD iha orfanatu iha Oecusse hetan ona asistensia integradu husi instituisaun relevante sira.

Diretora Organizasaun Forum Komunikasaun Feto Timor Lorosa’e (FOKUPERS), Maria Jose Guterres informa, vitima sira husi kazu abuzu seksual ne’ebe komete husi eis padre ho inisial RD iha orfanatu iha Oecusse hetan ona asistensia integradu husi instituisaun relevante sira.

Nia dehan, kazu ida ne’e ministerio publiku halo ona akuzasaun no haruka ona ba tribunal Oecusse atu foti desizaun tanba ne’e hein deit desizaun ikus husi tribunal.

“Vitima sira hetan asistensia integradu husi ema ne’ebe estudu kona ba psikologia nian hodi akompaña sira tuir sira nia nesesidade. Rekuperasaun ba sira nia psikologia ne’e prosesu ida ne’ebe importante liu tanba sira hetan violasaun tinan naruk,” nia hateten iha servisu fatin Farol, Dili.

Nia konsidera, kazu ne’e krime grave tanba ne’e hetan atensaun makas husi entidade hotu atu luta hodi kombate abuzu seksual ba labarik sira.

Nia dehan, impkatu abuzu seksual ba labarik sira ne’e bo’ot tebes ba sira nia moris agora no ba futuru tanba ne’e presiza apoia maximu atu sira bele rekupera husi trauma.

Iha oportunidade ne’e, nia hato’o agradese ba instituisaun hotu ne’ebe iha inisio halo advokasia no aproximansaun ho vitima sira hodi lori kazu ne’e ba oin tanba la fasil ba kazu sira hanesan ne’e.

Ami hare katak ida ne’e krime ne’ebe akontese iha tempu naruk tanba labarik sira ne’e ema ida mak responsabilida ba sira depedensia ekonomia entaun dala ruma sira mos tauk fo sai saida mak akontese liu-liu abuzu seksual ne’ebe sira hetan.

Iha fulan Fevereiru tinan 2019, publiku rona kona ba kazu abuzu seksual hasoru labarik ne’ebe komete husi eis-padre ho inisial RD iha orfanatu iha Oecusse durante tinan barak nia laran. Iha fulan Novembru tinan 2018, Vatikanu, liu husi prosedimentu dixiplinar penal fo sai desizaun demisaun ba eis-padre refere tanba nia rasik konfesa katak nia komete abuzu seksual hasoru labarik sira.

Iha parte seluk, Arsebispu Metropolitanu Dili, Don Virgilio do Carmo da Silva afirma pozisaun ba media katak igreja fo konfiansa toma ba autoridade judicial polisia estadu nian no sira ne’ebe involve iha investigasaun kazu eis-padre RD ne’e nian.

Nia dehan, uma kreda hakarak fo apoia no tulun nafatin ba vitima sira ne’ebe autoridade judisial sira deklara sai.

“Uma kreda hafoun nakloke aan ba ema hotu atu kolabora ho NGO nune’e mos organizasaun sosiedade sivil hotu-hotu atu fo apoia ba vitima sira ne’ebe autoridade juridisial, polisia sira deklara sai,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04