Terça, Janeiro 19, 2021
Total visitors: 543636

Diretora Executiva Organizasaun Fundasaun Alola (FA), Maria Imaculada Guterres hateten sira prepara susun falsu kompleta ho sutian ba pasiente kankru susun sira ne’ebe halo ona operasaun ba susun atu sira bele iha fiar aan halao atividade iha liur.

Diretora Executiva Organizasaun Fundasaun Alola (FA), Maria Imaculada Guterres hateten sira prepara susun falsu kompleta ho sutian ba pasiente kankru susun sira ne’ebe halo ona operasaun ba susun.

Nia dehan, durante halo sensibilizasaun publika kona ba moras kankru susun sira mos halo promosaun ba susun falsu atu pasiente sira ne’ebe susun hasai ona bele hatene no hetan hodi uza.

“Ami iha pasiente 20 resin ne’ebe halo ona operasaun ba sira nia susun, no sira mai foti ona susun falsu ho sutian uza atu sira bele lao fiar aan hanesan feto normal lahetan diskriminasaun,” nia hateten iha servisu fatin Maskarinhas, Dili.

Nia dehan, produtu ida ne’e la fo impaktu negativu ba isin tanba ne’e seguru atu utiliza no bainhira uza bele halao atividade iha publiku hanesan feto sira seluk.

Nia dehan, sira iha stok ne’ebe sufisiente tanba sira hetan suporta susun falsu ho sutian husi Advance Breast Cancer Network iha Geneba, no sira mos hetan suporta husi rede kankru susun iha Australia.

Iha parte seluk, foinsa’e Micela Gusmão sente preokupa ho taxa moras kankru susun iha rai laran tanba numeru barak feto sira ho idade reprodutivu no maioria detekta tarde lakon vida.

“Fator risku ba kankru susun ida mak jerasaun, no sira ne’ebe idade 40 ba leten, maibe tanba sa hau nia kolega ne’e foin idade tinan 18 nia hetan ona kankru susun,” nia hateten.

Nia dehan, governu iha responsabilidade bo’ot atu hasa’e kobertura sensibilizasaun publika kona ba moras kankru atu populasaun feto sira iha konesementu hodi halo prevensaun no deteksaun sedu atu evita mortalidade no defisiensia susun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04