Quinta, Janeiro 21, 2021
Total visitors: 543967

Aktivista feto Timoroan, Judite Dias Ximenes apela ba governu atu atensaun ba situasaun vulnerabilidade ne’ebe familia sira iha Timor-Leste hasoru hanesan inan no oan barak sofre malnutrisaun, no mortalidade inan no oan ne’ebe sei a’as nafatin iha rai laran.

Aktivista feto Timoroan, Judite Dias Ximenes apela ba governu atu atensaun ba situasaun vulnerabilidade ne’ebe familia sira iha Timor-Leste hasoru hanesan inan no oan barak sofre malnutrisaun, no mortalidade inan no oan ne’ebe sei a’as nafatin iha rai laran.

Nia dehan, Timor-Leste hanesan nasaun soberanu, maibe realidade feto no labarik sira sei sente la seguru no sai vitima iha uma laran rasik tanba estado seidauk halao nia obrigasaun no dever atu fo protesaun ba familia sira.

“Agora hau la ezerse hau nia aan hanesan membru parlamentu no presidente Rede FetoTimor-Leste, maibe hau husu nafatin ba maun sira ne’ebe kaer ukun no sira ne’ebe la kaer ona ukun, maibe kontinua ativu atu lori estabilidade ba rai ida ne’e tau matan ba situasaun vulnerabilidade ne’ebe familia hasoru,” nia hateten bainhria partisipa iha serimonia komemorasaun loron nasional feto ba dala 45, ne’ebe organiza husi Grupo Mulher Parlamentar (GMPTL), iha Parlamentu Nasional, Dili.

Nia dehan, iha tinan 1975, presidente Nicolau Lobato momentu ne’eba dekreta loron 3 fulan Novembru, iha ne’ebe saudoza Maria Tapo nia loron mate hanean loron nasional ba feto Timor.

Nia haktuir, depois dekreta komemora dala tolu iha baze apoia, maibe iha okupasaun Indonesia la komemora nasionalmente. No iha era independensia hahu komemora fali loron ne’e hodi eleva feto husi emansipasaun katak hasai feto husi sira nia hela uma atu lori sai ba liur hodi asesu ba edukasaun, saúde, servisu publiku no seluk tan.

Entretantu, Presidente Parlamentu Nasional, Aniceto Lounguinhos Guterres Lopes konvida sidadaun hotu atu halo reflesaun ba aspetu bo’ot tolu mak, feto iha umanidade, feto iha evolusaun sosiedade ida-ida, no feto iha revolusaun politika no dezenvolvimentu, hodi identifika singularidade ne’ebe feto Timor iha.

“Felismente istoria humanidade no sosiedade ida-ida hatudu feto mos sofre tratamentu ne’ebe injustu no violentu ne’ebe sei persiste iha sosiedade to’o agora. Ne’e la signifika mane la sofre, maibe iha okaziaun ida ne’e hau fo atensaun liu ba feto nia situasaun,” nia hateten.

Nia dehan, kestaun igualdade jeneru kolokadu iha transversalmente iha dezenvolvimentu sosio, politika no ekonomia nasaun nian. Timor fo atensaun ba estratejia ida ne’e no hatudu kompromiso desde independensia to’o agora partisipasaun feto iha vida politika 30% no iha instituisaun administrasaun publika mos a’as.

Iha parte seluk, Ministra da Saúde, Odete Maria Freitas Belo rekonhese malnutrisaun ba labarik no feto sei a’as no mortalidade ba inan no oan mos sei a’as tanba fatores oioin ne’ebe kontribui.

“Mortalidade ne’e ita bolu atrazu hat ne’ebe ami sempre koalia beibeik. Atrazu ida mak konhesimentu inan sira nian kona ba asesu ba fasilidade saúde sei menus. Inan ida iha direitu hetan atendimentu dala 4 durante isin rua, maibe ida ne’e lakontese tanba ne’e susar atu redus numeru mortalidade iha rai laran. Atraza seluk mak tansporte no infrastruktura. Atrasa terseiru mak inan sira la foti desizaun ba sira nia saúde, dala barak laen no banin sira mak foti. No ikus atraza iha fasilidade saude, liu-liu profesionais saúde sira atraza ou medikamentu laiha,” nia hateten.

Nia dehan governu halo esforsu atu melhora servisu sira hodi responde ba atrazu hat ne’e, liu-liu harii postu saúde iha suku sira, koloka profesionais saúde iha suku atu fo atendimentu ba inan isin rua sira ho lalais.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04