Sábado, Junho 19, 2021

Sekretario Jeral Organizasaun Popular Mulher Timor (OPMT), Florentina Smith hateten komisaun peskiza no eleborasaun livru luta da mulher Timor remata ona hakerek livru kona ba involvimentu feto nian ba luta libertasaunhahu tinan 1974-1999, hanesan memoria istoriku ida ba jerasaun foun sira atu hatene feto sira nia didikasaun no sakrifisio ba ukun rasik aan.

Sekretario Jeral Organizasaun Popular Mulher Timor (OPMT), Florentina Smith hateten komisaun peskiza no eleborasaun livru luta da mulher Timor remata ona hakerek livru kona ba involvimentu feto nian ba luta libertasaun hahu tinan 1974-1999, hanesan memoria istoriku ida ba jerasaun foun sira atu hatene feto sira nia didikasaun no sakrifisio ba ukun rasik aan.

Nia salienta prosesu peskiza no eleborasaun livru luta da mulher Timor ho titlu Buibere Hamrik Ba Ukun Rasik Aan ne’e, lori tempu naruk hahu tinan 2010 to’o 2021, tanba presiza duni peskiza klean no dokumentu importante balun atu haforsa informasaun sira iha livru ne’e laran hanesan lisaun ida ba jerasaun foun sira.

“Livru ne’ebe Timoroan feto produs iha ona livru ho titlu hakerek ho ran, livru partisipasaun feto ba ukun rasik aan, ne’ebe hau mos sira intervista hau. Husi livru sira ne’e livru ida ne’e mais kompletu, signifika livru ne’e koalia istoria feto timor nian laos deit feto sira iha organizasaun popular mulher timor. Liu-liu koalia kona ba feto nia partisipasaun iha tinan 1974 ba kotuk, no tinan 1975 mai to’o 1999, ne’ebe ita taka ho referendum hodi tama iha prosesu foun ida ukun rasik aan,” nia hateten bainhira partisipa iha serimonia lansamentu primeru publisidade livru Buibere Hamrik Ba Ukun Rasin Aan, iha Museum Resistensia Colmera, Dili.

Nia konsiente livru ne’e la perfeitu, maibe bele fornese informasaun ne’ebe komprensivu ba lee nain sira, liu-liu jerasaun foun sira konaba feto sira moris iha tempu colonial, feto sira iha frente armada, frente klandestina no frente diplomata.

Nia hatutan livru ne’e iha pajina hamutuk 570 resin ho kapitulu 14, ne’ebe koalia atividades oioin ne’ebe feto sira halo ba luta libertasaun tanba ne’e presiza iha seminario atu bele esplika kada kapitulu atu ema hotu bele intende istoria sira ne’e ho diak.

Nia informa tuir planu livru ne’e ho titlu Buibere Hamrik ba Ukun Rasik Aan ne’e, sei lansa husi presidente da republika Franscisco Guterres Lú Olo, iha loron 8 fulan Marsu tinan 2021.

Iha parte seluk, Diretor Ezekutivu Arkivu no Muzeu Resistensia Timorense (AMRT), Antoninho Baptista Alves hato’o agradese ba eskritor sira ne’ebe konsege transforma espesifika involvimentu buibere sira nian ba independensia tanba estoria sira ne’e importante tebes ba jerasaun foun sira atu hatene, no sai examplar ba sira atu banati tuir hodi kontribui ba dezenvolvimentu politiku iha rai laran no garantia sustentabilidade.

“Atu hateten deit katak funu laos mane deit no laos feto deit, maibe feto no mane hamutuk mak marka ita nia istoria ba Timor,” nia hateten.

Nia husu komisaun atu tau mos kopia iha depositu museu nian atu publiku bele asesu ba lee, no sira sei halo mos advokasia ba ministerio da edukasaun atu integra mos istoria feto sira nian iha materia eskola nian atu jerasaun foun sira bele hatene didikasaun no sakrifisio feto sira nian ba luta libertasaun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04