Sábado, Junho 19, 2021

Diretora Konselho Asosiasaun das Mulheres Académicas da Universidade Nasionál Timor Lorsa’e (AMA-UNTL), Judite Dias Ximenes hateten asosiasaun nia prezensa atu reforsa politika, no planu sira hodi promove igualidade jeneru iha struktura no prosesu ensino.

Diretora Konselho Asosiasaun das Mulheres Académicas da Universidade Nasionál Timor Lorsa’e (AMA-UNTL), Judite Dias Ximenes hateten asosiasaun nia prezensa atu reforsa politika, no planu sira hodi promove igualidade jeneru iha struktura no prosesu ensino.

Nia salienta papel akademika importante tebes atu harmoniza feto iha sosiedade ida ne’e tanba feto no mane iha direitu hanesan iha sosiedade bazea ba kibi’it ne’ebe ema ida-ida iha.

“Ami feto sira alende sai professor ba ensino peskiza no extensaun. Ami mos bele halo buat seluk ne’ebe ami halo fila-fila ona hanesan seminario kona ba igualidade jeneru, prevensaun ba violensia bazea ba jeneru ne’ebe fakuldade sira iha universidade ne’e nia programa rasik laiha,” nia hateten hafoin partisipa serimonia lansamentu AMA-UNTL, iha salaun Auditorio Liceu, Dili.

Nia dehan programa foun ne’ebe sira sei introdus mak inkubadora negosio, atividade ne’e hanesan laboratorio ida ba estudante sira atu aprende hamutuk ho professor sira kona ba negosio diak intermus atendimentu, jestaun no diversifikasaun produtu atu estudante sira bele iha kreatividade no abilidade seluk hodi kria kampu servisu ba aan rasik.

Nia hateten atividade sira ne’e importante tebes atu kontribui ba redus dezempregu intelektual sira tanba dala barak estudante sira remata estudu sai fali dezempregu.

Iha parte seluk, Reitor Universidade Nasionál Timor Lorosa’e (UNTL), Professor Doutor João Soares Martins hateten apresia ho inisiativa professora sira nian forma asosiasaun atu kontribui ba prosesu dezenvolvimentu.

Nia salienta feto nia luta ba rai doben Timor-Leste, hahu kedas iha tempu colonial to’o mai independensia, no kontinua luta ba moras dignu no igual ba feto iha sosiedade ida ne’e.

“Ho Asosiasaun mulheres akademika sira mais akademiku, no sentifiku liu tan atu sira bele kontribui halo analiza ba politika sira ne’ebe relasiona ho igualidade jeneru, tanba ne’e asosiasaun ne’e positivu tebes,” nia hateten.

Nia dehan politika igualidade jeneru iha UNTL iha progressu balun tanba estudantes kada tinan pursentajen feto mos bo’ot, no manorin sira mos feto barak, maibe sei menus kompara ho mane sira.

Nia espera asosisaun ne’e bele hatudu rezultado servisu ne’ebe diak no kualidade hodi kontribui ba servisu promosaun igualidade jeneru iha universidade no sosiedade.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04