Quinta, Setembro 23, 2021
Total visitors: 578526

Kordenadora Fatin Hakmatek Organizasaun Psychosocial Recovery and Development in East Timor (PRADET), iha Dili, Luisa Marçal hateten iha fulan Abril tinan 2021, sira simu no fo asistensia medika forensika ba vitima Violensia Bazea ba Jeneru (VBJ) nain 26.

Kordenadora Fatin Hakmatek Organizasaun Psychosocial Recovery and Development in East Timor (PRADET), iha Dili, Luisa Marçal hateten iha fulan Abril tinan 2021, sira simu no fo asistensia medika forensika ba vitima Violensia Bazea ba Jeneru (VBJ) nain 26.

Nia salienta vitima sira refere mai ho tipu kazu krime violensia domestika nain 20, no krime violensia seksual nain 6.

“Kazu sira ne’e ita kategoria hanesan krime, entau konserteja polisia refere sira mai ami tanba presiza dokumentu legal ne’ebe fornese husi PRADET ezaminasaun medika forensika hodi sai hanesan evidensia,” nia hateten via telephone.

Nia dehan rezultado ezaminasaun medika forensika sira sei entrega ba parte kompetente polisia hodi lori ba ministerio publiku atu prosesu kazu ne’e ba iha justisa formal atu vitima sira bele hetan justisa ne’ebe justu.

Nia hateten vitima hira ne’e sira simu referral husi rede referral sira hanesan polisia unidade VPU, no organizasaun seluk. Wainhira remata halo ezaminasaun depende ba vitima nia desizaun, se sira sente seguru atu fila ba uma maka sei fasilita fila ba uma, maibe la sente seguru refere ba uma mahon atu bele asegura seguransa ba vitima.

Nia informa numeru kazu fulan Abril menus kompara ho fulan Marsu tanba fulan tolu ba kotuk sira simu vitima kuaze 40 resin.

Iha parte seluk, Deputada Parlamentu Nasional Helena Martins Belo hateten relatorio fiskalizasaun iha munisipio sira identifika menus rekursu humanu atu halao servisu promosaun igualidade jeneru no inkluzaun iha baze, liu-liu promosaun direitu feto no labarik sira.

“Husu ba Sekretario Estado Igualidade no Inkluzaun (SEII) atu destaka tan rekursu humanu ba munisipio no postu sira atu bele apoia pontu vocal halo servisu sira relasiona ho asuntu igualidade jeneru,” nia hateten.

Nia dehan iha situasaun agora, grupo vulneravel sira, liu-liu feto no labarik sira sai alvu ba violensia sira tanba ne’e tenke iha rekursu ne’ebe sufisiente atu bele responde ba problema hira ne’ebe feto no labarik hasoru iha baze.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04