Sexta, Janeiro 21, 2022

Diretur Executivu Forum NGO Timor-Leste, Daniel Santos do Carmo hateten pratika kultura patriakal no investimentu estado ba empoderamentu ekonomia feto sei menus sai dezafiu bo’ot atu elemina violénsia hasoru feto no labarik feto iha rai laran.

Diretur Executivu Forum NGO Timor-Leste, Daniel Santos do Carmo hateten pratika kultura patriakal no investimentu estado ba empoderamentu ekonomia feto sei menus.

Nia salienta peskiza demograpia no saúde tinan 2016, hatudu 38% populasaun feto ho idade tinan 14 ate 49 sofre esperensia violensia oioin husi mane sira, liu-liu parseiru intimu sira, ne’e hatudu problema seriu.

“Ita tenke rekonhese ita nia investimentu setor publiku, liu-liu ba atividade ekonomia sira ne’ebe fo rendimentu no halo feto sira independente intermus ekonomia sei menus, ne’e dezafiu ida. seluk mak ita moris hamutuk kultura patriakal ne’ebe kleur demais, entau kontribui ba sosiedade konsidera feto subordinadu ida ne’e,” nia hateten hafoin partisipa iha dialogu nasional ho tema partisipasaun feto iha vida politika, negosio, knar profesional kontribui ba eleminasaun violensia kontra feto no labarik feto iha salaun CNE Colmera, Dili.

Nia hateten Timor-Leste intermus legislasaun barak asegura protesaun ba feto no labarik sira husi violensia oioin inklui violensia domestika hanesan lei kodigu penal, lei kontra violensia domestika, maibe implementasaun sei hasoru dezafiu no edukasaun konsensializasaun mos menus tanba kazu violensia hasoru feto no labarik feto aumenta a’as.

Iha parte seluk, Presidente Grupo Mulher Parlamentar Timor-Leste (GMPTL), Deputada Lidia Norberta hateten sira nafatin halo esforsu ejiji governu atu hare politika programa no orsamentu ne’ebe sensivile no inklusivu hodi kontribui ba redus violensia hasoru feto iha rai laran.

Nia dehan sira mos simu keixa barak no balun grave tebes hanesan kazu ne’ebe akontese tinan kotuk iha munisipiu Bobonaro, kazu violensia domestika ne’ebe ikus mai akontese omesidiu inan lakon vida no oan iha risku laran.

“Ami fiar ho ami nia papel ne’ebe iha, ami la nonok deit bainhira hare kazu sira hanesan ne’e. Ho papel ne’ebe iha ami koalia beibeik ho parseiru sira ita hare numeru ne’e bele redus,” nia hateten.

Nia hateten presiza ema hotu nia konsensia no kontribuisaun hodi kombate violensia hasoru feto no labarik sira tanba ne’e tenke reforsa edukasaun sivika moral atu muda ema nia hanoin konaba impaktu violensia ba ema nia moris tomak.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04