Sexta, Janeiro 21, 2022

Diretora Organizasaun Women Working Center Timor-Leste (WWCTL), Rica Pascoela hateten feto trabalhador domestika prusentu 86 husi total 100 ne’ebe sira identifika halao servisu uma laran ajuda familia sira iha Dili orijinalidade husi munisipiu.

Diretora Organizasaun Women Working Center Timor-Leste (WWCTL), Rica Pascoela hateten feto trabalhador domestika prusentu 86 husi total 100 ne’ebe sira identifika halao servisu uma laran ajuda familia sira iha Dili orijinalidade husi munisipiu.

Nia salienta servidor uma laran sira ne’e barak liu husi munisipiu Ermera, Aileu no Rejiaun Espesial Oecusse Ambeno (RAEOA) kompara ho munisipiu sira seluk.

“Bazea ba peskiza ne’ebe ami halo dor to dor iha Dili, maioria ita nian 86% trabalhador domestika iha Dili migrante husi munisipiu sira tanba ne’e mak ami presiza tau matan,” nia hateten iha selebrasaun aniversario WWCTL ba dala X iha salaun Lux Clarita, Dili.

Nia dehan apoia ne’ebe sira fo ba servidor uma laran sira mak formasaun abilidade moris nian no hasa’e sira nia abilidade ba servisu uma laran sira hanesan tein, kuidadu labarik no literasia atu sira bele halo advokasia rasik ba kontratu sira tanba barak lahatene alfabetizasaun.

Nia konsiente maluk feto hotu iha konhesementu ne’ebe diak ba servisu uma laran sira, maibe presiza kapasita taan atu fornese servisu ne’ebe kualidade iha era modernu nian, ne’ebe utiliza teknologia oioin.

Nia hateten kondisaun servisu trabalhador domestika iha ona progressu diak intermus kontratu no salariu kompara ho tinan lima liu ba kotuk tanba empregador balun valoriza ona servisu sira nian, maibe sira barak sei hetan violasaun ba sira nia direitu hanesan laiha kontratu, oras servisu barak liu, la hetan lisensa no salariu ne’ebe la justu.

Iha parte seluk, trabalhador domestika husi munisipiu Ermera, Ana Paula Soares hateten servisu uma laran ne’e todan tebes, maibe dala barak ema la konsidera no viola sira nia direitu tanba deit seidauk iha lei ida ne’ebe apropriadu atu protese sira.

“Hau sente servisu uma laran ne’e todan tebes tanba la tuir oras. Ami nia kontratu servisu tuku 8:30 to’o tuku 7:30 kalan, maibe dalaruma dader tuku 5:00 ami hader ona halo servisu to’o fali tuku 10:00 kalan, ne’e todan tebes,” nia hateten.

Nia dehan durante halao servisu salariu ne’ebe hetan tuir padraun salariu minimu ne’ebe governu fo $115 kada fulan, maibe nafatin la sufisiente atu sustenta familia.

Nia informa ho konhesementu no abilidade ne’ebe hetan iha WWCTL, dadaun ne’e servisu fali iha salon no servisu tuir oras no kontratu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04