Domingo, Julho 14, 2024

Fatima Perpetua Mendonça nu’udar produtora kreativu ne’ebé pordúz produtu Cafety Scrub hodi uza ba nia nesesidade, ikus sai negósiu boot iha Timor-Leste no fó ona servisu ba ema na’in hitu (7) iha munisípiu Díli.

Fatima Perpetua Mendonça nu’udar produtora kreativu ne’ebé pordúz produtu Cafety Scrub hodi uza ba nia nesesidade, ikus sai negósiu boot iha Timor-Leste no fó ona servisu ba ema na’in hitu (7) iha munisípiu Díli.

Nia dehan, antes ne’e nia laiha hanoin atu fa’an produtu ne’ebé nia produs ba aan rasik, maibé rezultadu ne’ebé nia hetan iha nia isin no nia rasik uza produtu ne’e ikus foti desizaun hodi halo negósiu.

“Kona-ba prosesu produsaun nian, antes ne’e ha’u laiha hanoin atu faan Cafety Scrub ne’ebé ha’u uza rasik, mabé tanba iha rezultadu ba ha’u-nia isin momentu ne’ebá, entaun ha’u foti desizaun halo negosiu,” dehan nia.

Nia hatutan, buka referénsia lubuk ida durante fulan rua, koko halo lulur rasik, no hetan duni reseita kona-ba Cafety Scrub.

“Ida ne’e inisiativa rasik tanba presiza, la’os tanba lulur viral ruma ne’ebé hakarak halo tuir, maibé tanba ha’u-nia nesesidade ikus hamosu produtu Cafety Scrub ne’e. Cafety Scrub ne’e ami faan ho folin $4.00 no kada loron ami bele faan to’o masa walu-nulu no bele to’o masa atus ida resin,” nia informa.

Nia akresenta, protudu ne’e espalla iha Díli laran, reseller sira mak faan iha Manleu, Cacaulidun, Metiaut, Kampung Baru, Tibar no iha Bidau Masau no iha mós distritu lubuk ida hanesan Baucau, Likisa, Lospalos, Bobonaro, Ataúro, Ermera,Suai, Same Ainaro no iha Aileu Remexiu no iha Aileu Aiseremou.

“Nia benefísiu ne’e maka bele ajuda ona ha’u no ha’u-nia alin sira atu bele kompleta ami-nia nesesidade loron-loron no grasa Deus ami mós hanoin atu loke tan ba oin. Nune’e bele mós loke oportunidade ba alin sira ne’ebé seidauk bele hetan servisu bele mós hetan servisu no oras ne’e dadauk iha ona staff na’in hitu (7) maka servisu hamutuk ho ha’u. Iha planu no iha mehi boot ba iha negósiu ida-ne’e ba oin,” nia dehan.

Iha sorin seluk, kliente podutu Cafety Scrub, Clarissa Gonçalves deklara, nia uza prudutu ne’e koko de’it maibé tanba nia haree ba produtu ne’e di’ak entaun nia uza até agora.

“Fofoun ha’u haree iha tiktok mana sira faan lulur ne’e ha’u koko atu hola para uza koko de’it. Primeiru ha’u hola ida ha’u uza lulur ne’e haree hanesan ne’e entaun tau ba oin kapas. Ha’u tau ba ha’u-nia ain nakfera ne’e tau ba lakon hotu tiha ona no uza dala rua ba dala tolu hanesan ne’e komedo lakon, no produtu ne’e nia kualidade makaas tebes,” nia dehan.