- Publika iha: 19 Novembro 2014
Membru Parlamentu Nasional (MP) lamenta kompania balun ne'ebe hahu sobu foho lolon sira iha area kristu Re'i nian hodi halo dezenvolvimentu, tanba ida ne'e bele hamosu dezastre narturais.
Deputadu Estanislau da da Silva, hateten hanesan deklara ona katak area Kristu Re'i ne'e area protezida, labele iha kualker aktividades iha fatin ne’eba, tanba bele estraga biodiversidade no hamosu dezaste bainhira udan monu rai.
“Ohin loron ita haree uma nakonu iha ne’eba, governu tenke haree kualker negosio iha ne’eba,” Deputadu da Silva kestiona, iha plenaria Parlamentu Nasional, Dili.
Deputadu ne’e mos husu ba governu atu klarifika kestaun ne’e, tanba area Kristu Re'i deklara ona hanesan area protezidu, agora fo fali lisensa ba kompania sira sobu.
Hatan ba Kestaun ne’e Sekretario Estado Meu Ambiente (SEMA), Nominando Soares Martins, rekonese kestadun ne'e,maibe sira seidauk fo lisensa ambiental ba kompania sira, tanba seidauk hatama dokumentus.
Nia mos rekonese katak ne'e area protejida, maibe la signifika husik le'et deit, bele halo mos investimentu ruma ne’ebe bele fo taxa ba estado importante presiza halo estudu ambiental ida apropriado atu bele iha informasaun ne’ebe klaru kona ba impaktu social, ambiental no natureza.
“Ami seidauk prosesa sira nia dokumentus kona ba lisensa ambiental ba area protejida, tanba sira seidauk hatama dokumentus,” SE Martins hateten.
Nia hatutan, kona ba statutu rai Sekretario Estado Terras Propriedade mak iha kompetensia atu fo lisensa, maibe iha Kompania Timor oan ida mak hakarak halo investimentu iha area ne’eba.