Terça, Novembro 24, 2020
Total visitors: 536534

Associação de Músicos de Timor-Leste (ALMAMOR), husu Parlamentu Nasional atu re-abertura diskusaun proposta lei propriedade intelektual ne’ebe kaduka tiha ona, tanba lakonsege aprova iha mandatu IV legislature, tanba lei ne’e importante atu proteje musika no produtu kultura seluk hanesan rekursu nasaun nian.

Presidente ALMAMOR, Erick Waywatu hateten tinan barak artista sira sente marjinalizadu tanba lahetan protesaun no atensaun ne’ebe maximu husi estado kompara ho area desportu.

Presidente ALMAMOR, Erick Waywatu hateten tinan barak artista sira sente marjinalizadu tanba lahetan protesaun no atensaun ne’ebe maximu husi estado kompara ho area desportu.

Nia fo ezemplu, atleta sira lori Timor-Leste ba hamorin iha mundu, no artista sira mos, maibe governu fo deit atensaun dezenvolve desportu kompara ho musika.

“Iha tinan 2017, ami mai apresenta ona, no agora ami hakarak ejiji nafatin atu lei ne’e aprova hodi artista sira ne’e hetan valorizasaun atu ami mos labele sente anak tirikan iha Timor,” nia hateten hafoin hasoru malu bankada parlamentar sira iha uma fukun parlamentu nasional, Dili.

Nia dehan, agora dadaun sira hari ona sosiedade autor artista Timor nian, atu bele halo resensiamentu ba obra hanesan musika, pintura, artezenatu, no seluk tan atu lei ne’e aprova bele fo protesaun diak liu tan.

Entretantu, eis deputado Eladio Faculto, ne’ebe hola parte iha diskusaun ne’e hateten lei propriedade intelektual ne’e importante no urgente atu proteje patrimonio kultural sira hanesan musika, dansa, tais, no seluk tan tanba realidade motivo tais Oecusse nian, balun nasaun vizinho sira foti ona, lui-liu iha rai ketan.

Nia dehan, lei ne’e la proteje deit patrimorio kultural, maibe mos peskiza sentifiku sira ne’ebe komunidade akademiku sira halo.

“Lei ne’e tama ona iha finalidade tanba konsulta no audensia publika mos hotu ona. Ami halo elaborasaun hotu ona atu tama iha aprovasaun final global mak mandatu remata. Bainhira mandatu remata lei ne’e kaduka tiha, entaun tenke halo re-abertura fali no parlamentu mak iha responsabilidade atu halo ida ne’e,” nia hateten.

Nia espera, bankada parlamentar sira bele konsidera ida ne’e atu halo re-abertura no aprova projetu lei refere ne’e tanba artista laiha fronteira politika, hananu iha fatin hotu.

Nia dehan, agora dadaun nasaun Indonesia no Malaysia iha disputa ida kona ba dansa, ne’e hatudu lei ne’e importante tebes atu bele proteje patrimonio cultural sira ne’e, no valoriza autor sira nia propriedade kultural.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04