Quarta, Janeiro 20, 2021
Total visitors: 543764

Ministerio Reforma Lezislativa no Asuntos Parlamentares (MRLAP) husu ba Komisaun Anti Korupsaun (KAK) atu reforsa medidas preventiva sira ne’ebe mak iha hodi kombate korupsaun ne’ebe mak oras ne’e buras iha Timor.

Ministro MRLAP, Fidelis Leite Magalhaes hateten, durante ezistensia KAK serviso barak mak sira halo ona liu-liu halo prevensaun ba hahalok korupsaun nian no mos aprezenta ba prosesu.

Ministro MRLAP, Fidelis Leite Magalhaes hateten, durante ezistensia KAK serviso barak mak sira halo ona liu-liu halo prevensaun ba hahalok korupsaun nian no mos aprezenta ba prosesu.

“Ita hare progresu serviso ne’e diak ona, maibe ita husu atu KAK tenke reforsa tan medidas preventivas sira hodi kombate korupsaun,” nia hateten.

Nia dehan, serviso ne’ebe mak halo hanesan koperasaun hamutuk ho parte polisia, patrimonio estado hodi kontrola funsionario publiku ne’ebe mak utiliza kareta estado nian sai privado, nune’e mos halo investigasaun ba koruptor sira.

“Serviso ne’ebe mak sira halo ne’e, rezultado signifikante tebes atu nune’e funsionario publiku hotu labele uza sasan estado ka osan estado nian tuir nia hakarak,” nia dehan.

Alende ne’e nia husu KAK mos tenke prepara rekursus didiak hodi haforsa implementasaun tui knaar ne’ebe mak hetan ona aprovasaun.

Iha fatin hanesan, Komisario KAK Sergio Hornai hateten, durante ezistensia KAK iha progresu lubun ida mak alkasa ona tuir nia vizaun konba investigasaun ba kazu korupsaun.

“Durante ne’e ita konsege halo investigasaun no lori ba prosesu kazu lubun ida ne’ebe mak komete husi sidadaun nasional rasik. Autor sira ne’e balun iha ona tribunal, [prizaun] Becora, balun sei iha prosesu nia laran,” nia hateten.

Nia dehna, tipo kazu sira ne’ebe mak prosesu ona ne’e mak hanesan balun utiliza osan estado nian, balun falsifika dokumento ba sasan estado nian sai privado, no kazu seluk tan ne’ebe mak ligasaun ho korupsaun nian.

“Atu prevene korupsaun iha Timor-Leste, KAK nafatin reforsa kuadro serviso sira hotu atu bele luta hodi kombate corupsaun,” nia hateten.

Tanba ne’e nia dehan, KAK nafatin hamrik hodi hametin estado de direito no promove demokrasia ida ne’ebe mak fo dalan ba transparensia no akontabilidade hodi benefisia ba intrese comun nian.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04