Quarta, Janeiro 20, 2021
Total visitors: 543764

Diretur Diresaun Geral Agua no Saneamentu (DGAS), iha Ministerio Obras Publika, Gustavo da Cruz hateten estudu previabilidade iha munisipio Dili, identifika area Comoro tama iha zona potensial diak ba rekursu bee rai okos nian kompara ho area seluk.

Diretur Diresaun Geral Agua no Saneamentu (DGAS), iha Ministerio Obras Publika, Gustavo da Cruz hateten estudu previabilidade iha munisipio Dili, identifika area Comoro tama iha zona potensial diak ba rekursu bee rai okos nian kompara ho area seluk.

Nia dehan, governu aprova ona politika jestaun rekursu bee ne’ebe sei fo kompetensia ba Autoridade Nasional Bee no Saneamentu atu halo jestaun ba rekursu bee hodi garantia sustentabilidade.

“Autoridade Nasional Bee no Saneamentu nia funsionamentu iha fulan Janeiru tinan 2021 atu regulariza aktu sira perfurasaun bee rai okos nian tanba ita tenke jere rekursu ne’e hodi garantia sustentabilidade ba jerasaun sira futuru mai. Se ema hotu foti tuir sira nia hakarak mak ita nia jerasaun sira mai sei laiha bee rai okos,” nia hateten hafoin partisipa iha audensia publika ho komisaun parlamentar kona ba proposta orsamentu geral estado tinan 2021, iha parlamentu nasional, Dili.

Nia dehan DGAS preparadu ona intermus rekursu umanu no tekniku atu transforma ba instituisaun publika autoridade nasional bee no saneamentu atu bele halo jestaun ba rekursu bee iha rai laran no empreza publika bee Timor-Leste atu bele melhora sistema bee moos iha rai laran.

Iha parte seluk, komunidade Martinho Pinto espera tinan 2021, governu bele halo ona jestaun ne’ebe diak ba rekursu bee atu povu bele iha asesu ba bee ne’ebe sufisiente no kualidade tanba agora dadaun povu sei halerik ba bee moos.

“Ita espera governu bele halo investimentu ida ne’ebe diak hodi hadia sistema sira atu komunidade bele iha asesu ba bee moos ne’ebe sufisiente no kualidade,” nia hateten.

Nia dehan, Timor-Leste iha rekursu bee barak tantu bee rai okos no rai leten hanesan bee mota sira, maibe komunidade tantu iha area rural no urbano nafatin halerik ba bee moos tanba seidauk halo jestaun ne’ebe diak ba rekursu sira ne’e hodi komunidade sira bele asesu.

 

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04