Sábado, Fevereiro 27, 2021
Total visitors: 550453

Secretario de Estado do Ambiente (SEA), Demétrio do Amaral de Carvalho hateten hahu loron 23 fulan Janeiru tinan 2021, loron ikus loja sira utiliza saku plastiku tanba depois ida ne’e la tolera loja utiliza saku plastiku.

Secretario de Estado do Ambiente (SEA), Demétrio do Amaral de Carvalho hateten hahu loron 23 fulan Janeiru tinan 2021, loron ikus loja sira utiliza saku plastiku tanba depois ida ne’e la tolera loja utiliza saku plastiku.

Nia dehan iha loron 23 fulan Setembru tinan 2020, Presidente da Republika promulga ona dekretu lei eleminasaun produsaun plastiku no distribuisaun saku plastiku ho numero 37/2020.

“Tuir dekretu lei ne’e hateten depois loron 120 husi promulgasaun dekretu lei ne’e tama envigor, ne’e hateten loron 23 Janeiru mak ultimo dia ita la kompromi utilizasaun platistiku iha loja sira,” nia hateten iha salaun Tower Fatuhada, Dili.

Nia dehan sira organiza ona grupo hamutuk 40 resin hodi produs bote hodi bele responde ba politika zero plastiku iha rai laran.

Nia haktuir, agora dadaun sira halibur ona bote besik 40,000 hodi utiliza ba programa sesta bazika atu distribui ai-han ba populasaun sira iha teritorio tomak.

Nia informa sira halo ona sensibilizasaun ba empreza sira kona ba dekretu lei no 37/2020 atu sira bele apar ho baze legal ida ne’e hodi kontribui ba implementasaun lei iha futuru.

Iha parte seluk, komunidade Jose soares husu governu atu hatudu seriedade no haforsa implementasaun baze legal ne’ebe iha ona hodi redus lixu plastiku iha rai laran tanba agora dadaun kuantidade lixu bo’ot mai husi plastiku.

“Ita espera governu implementa duni baze legal ne’e hodi redus lixu plastiku iha rai laran no promove bote lokal sira atu bele kontribui hadia mos ekonomia grupo ki’ik sira iha rai laran,” nia hateten.

Nia dehan implementasaun governu presiza defini produtu plastiku ida ne’ebe mak bandu produsaun no distribuisaun tanba produtu plastiku barak hanesan masa bee nian, embalagen produtu alimentar, plastiku uniku uzu tanba realidade lixu barak liu mai husi masa bee hemu nian.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04