Sexta, Fevereiro 26, 2021

Rezultado asesmentu ekipa implementador programa Planu Asaun Komunidade Saniamentu no Ijiene (PAKSI) iha munisipio Dili, identifika uma kain hamutuk 1340 mak laiha sintina no uma kain 90 mak laiha septic tank halo kanalizasaun direita ba esgotu sira.

Diretora Organizasaun Fundasaun Alola (FA), Maria Imaculada Guterres hateten iha munisipio Dili seidauk iha aldeia no suku ida mak deklara livre husi area la soe foer bo’ot arbiru tanba uma kain barak seidauk iha sintina ne’ebe iha septic tank laos kanaliza direita ba esgotu laran.

Diretora Organizasaun Fundasaun Alola (FA), Maria Imaculada Guterres hateten iha munisipio Dili seidauk iha aldeia no suku ida mak deklara livre husi area la soe foer bo’ot arbiru tanba uma kain barak seidauk iha sintina ne’ebe iha septic tank laos kanaliza direita ba esgotu laran.

“Dificuldade ne’ebe komunidade sira hasoru mak sira nia ekonomia menus no uma kain balun lidera husi feto faluk sira no barak mos rajaun falta bee moos, entaun ami servisu hamutuk ho autoridade lokal refere sira ba iha ministerio solidaridade sosial no inkluzaun hodi tulun sira,” nia hateten bainhira partisipa iha enkontru avaliasaun periodiku ba implementasaun PAKSI no Grupo Suporta Inan iha Hotel Luz Clarita, Dili.

Nia dehan sira sei halo advokasia ho linha ministerio sira atu bele buka solusaun ba familia kibi’it laek sira atu bele meilhora saniamentu baziku, liu-liu sintina tanba tuir planu iha tinan 2024, Timor-Leste sei deklara livre husi area la soe foer bo’ot arbiru.

Nia garantia kondisaun saniamentu baziku iha rai laran meiloradu sei kontribui ba redus moras sira ne’ebe durante ne’e registu makas hanesan moras diareia, moras lumringa no problema malnutrisaun ne’ebe Timor-Leste sei a’as kompara ho nasaun seluk iha rejiaun sudeste asia.

PAKSI mak meus aproximasaun ida atu atinji objetivu Timor-Leste livre husi la soe foer bo’ot arbiru. Programa ne’e implementa husi ministerio da saúde ho organizasaun Fundasaun Alola, ne’ebe hetan apoia finanseiru husi Uniaun Europea liu husi agensia UNICEF.

Entertantu, Presidente Autoridade Munisipio Dili, Gaspar Soares husi autoridade lokal sira atu ativu hakbesik aan ba komunidade sira atu partisipa no kolabora melhora saniamentu baziku iha uma kain sira hodi garantia ambiente ne’ebe moos no livre husi la soe foer bo’ot arbiru (ALFA).

“Kualker tempu ita bele halo deklara munisipio Dili livre husi ALFA, maibe ida ne’e la importante. Importante mak tenke garantia uma kain hotu iha munisipio Dili iha sintina tanba ne’e ita hotu nia responsabilidade administrador postu sira, chefe suku, chefe aldeia atu hare ida ne’e,” nia hateten.

Iha parte seluk, Chefe Suco Caicoli, Hipolito Marques hateten Caicoli seidauk livre husi soe foer bo’ot arbiru tanba aldeia tolu ho uma kain kuaze 50 resin mak seidauk iha sintina tanba sira laiha kapasidade atu hari posu sintina nian.

“Sira laos laiha sintina, sira iha sintina ida ne’ebe kanaliza direita ba esgotu laran, maibe iha balun ne’ebe halo sintina ne’ebe proprio hodi sai ezemplu ba sira seluk,” nia hateten.

Nia dehan liu husi programa PAKSI ne’e sira servisu hamutuk ho ofisial polisia suku (OPS) halo hela advokasia no aproximasaun ba uma kain sira atu hare fatin hodi harii sintina.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04