Domingo, Outubro 17, 2021
Total visitors: 584029

Diretur Jeral Secretaria Estado Terras Propriedade (SETP), Rodrigo de Mendonça, hateten kada fulan sira rekolha reseita hamutuk 4.2 milhoens dolar americano husi propriedade estado nian, liu-liu abitante no fatin negosio iha teritorio nasional.

Diretur Jeral Secretaria Estado Terras Propriedade (SETP), Rodrigo de Mendonça, hateten kada fulan sira rekolha reseita hamutuk 4.2 milhoens dolar americano husi propriedade estado nian, liu-liu abitante no fatin negosio iha teritorio nasional.

Nia dehan desde governasaun dahuluk to’o governu actual registu ona kuaze 4,000 propriedade hanesan rai no uma estado nian, ne’ebe utilizadu no tenke selu reseita kada fulan.

“Total reseita ne’ebe ami hetan husi abitante no fatin negosio sira, kada fulan 4.2 milhoens dolar americano milhoens ba kofre estado,” nia hateten iha Colmera, Dili.

Nia konsiente hahu tinan 2020, nasaun enfrenta situasaun difisil ne’ebe afeta total atividade hotu iha rai laran, maibe okupamente sira nafatin halo pagamentu, maske tarde.

Nia hateten sira iha sistema apropriadu atu halo jestaun ba propriedade estado nian iha teritorio tomak atu bele kontribui ba reseita domestika.

Nia hatutan iha lei numeru 13/2017 konaba difinisaun titularidade artigu 3 koalia konaba direitu anterior mak kompostu husi direitu primaria no sekundariu. Direitu primaria maka sasan ou propriedade ne’ebe kulturalmente no heransa ne’ebe sira hela hosi tempu portugues to’o agora ho boa fé ne’e konsidera direitu primaria, no iha okupasaun Portugues bolu direitu perfeitu ne’e direitu primaria ba sidadaun Timor-Leste. No direitu sekundario maka propriedade ne’ebe iha tempu okupasaun Portugues utiliza deit ou iha direitu utiliza to’o prazu ne’ebe determina ona maka propriedade ne’e fila ba estado.

Iha parte seluk, Emprezaria Kathleen Gonçalves hateten estado iha propriedade barak ne’ebe bele sai fonte reseita domestika, maibe presiza halo jestaun ne’ebe diak atu reseita sira ne’e tama duni iha kofre estado.

Nia dehan iha tinan hira liu ba kotuk, nia renda fatin Acait hodi halo atividade negosio, maibe kontratu ho asosiasaun Acait laos diretamente ho governu.

“Propriedade estado nian ne’e fo kontratu ba membru sira ba tutan fali kontratu ho ema seluk tanba ne’e ita lahatene reseita ne’e tama hotu ba kofre estado ou lae,” nia hateten.

Nia hateten governu tenke iha dadus ne’ebe proprio no halo jestaun ne’ebe diak ba propriedade sira estado nian hodi kontribui ba reseita domestika, alende selu taxa tanba iha situasaun emergensia ne’e atividade negosio tun no taxa importasaun mos menus.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04