Domingo, Outubro 17, 2021
Total visitors: 584029

Uma kain hamutuk 1,185 iha suku Comoro, iha munisipiu Dili, to agora ne'e seidauk simu cesta bazika.

Xefe Suku Comoro, Eurico de Jesus, hateten uma kain hamutuk 1,185 iha suku Comoro, iha munisipiu Dili, to agora ne'e seidauk simu cesta bazika.

Xefe Suku Comoro, Eurico de Jesus, hateten uma kain 1,185 ne'ebe mak seidauk simu cesta bazika ne'e kompostu husi aldeia Fomentu 1 ho total uma kain 133, aldeia 4 de Setembru uma kain 156, aldeia 30 de Agusto 242, aldeia Aimutin 35, aldeia Fomentu III 61, aldeia Fomentu II 62, aldeia Golgota 85, aldeia Moris foun 56, aldeia 12 de Outobru 78, aldeia Sao Miguel 43, aldeia Postu Penal 62, aldeia Baya Leste 3, aldeia Sao Jose 106, no aldeia Ramelau Delta 65.

"Uma kain 1,185 ne'ebe mak seidauk simu ne'e, lista reklamante ita hatama ona ba governu maibe to'o agora seidauk simu," nia dehan. "Ita husu ba governu atu bele responde lalais ba lista reklamante sexta bazika iha suku Comoro," nia salienta.

Nia dehan, husi aldeia 14 iha suku Comoro ne'e maioria simu hotu ona maibe falta familia 1,185 mak seidauk simu to'o agora.

Entretantu, Vise Ministru Turismu Komersiu no Industria, Domingos Lopes, hateten lista reklamante cesta bazika ne'ebe mak sira simu iha Dili laran hamutuk 21,000.

Nia dehan, reklamante hirak ne'e seidauk simu tanba kompanhia fornesedor programa cesta bazika iha area hirak ne'e kontratu hotu ona, tanba ne'e mak to'o agora sira seidauk sai benefisiariu ba programa refere.

"Ita kontrata fali kompanhia sira ne'ebe mak halo fornesementu ba programa cesta bazika sira ne'ebe mak performa diak liu, ita hili nia hodi fornese fali cesta bazika ba reklamante sira iha Dili laran inkliu mos munisipiu seluk," Vise MTKI Lopes hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04