Sexta, Março 29, 2024
Total visitors: 766366

Governu liu husi enkontru Konselhu Ministrus (KM) deside hapara aktividade hotu ne'ebe halibur ema liu nain 10 inklui selebrasaun misa no prosesu aprendisagem iha eskola, aktividade festa no movimentu transporte publiku hotu iha kapital Dili laran.

Ministru Prezidensia Konselhu Ministrus, Fidelis Leite Magalhaes, hateten liu husi enkontru KM deside inplementa fali konfinamentu domilisiaria jeral iha kapital Dili hahu husi dia 27 tuku 00:00 to'o dia 2 setembru.

Ministru Prezidensia Konselhu Ministrus, Fidelis Leite Magalhaes, hateten liu husi enkontru KM deside inplementa fali konfinamentu domilisiaria jeral iha kapital Dili hahu husi dia 27 tuku 00:00 to'o dia 2 setembru.

Nia dehan, inplementasaun konfinamentu domilisiaria jeral ne'e bandu aktividade hotu ne'ebe mak halibur ema liu nain 10, movimentu transporte publiku, loja sira ne'ebe mak faan sasan eletroniku no konstrusaun sira.

"Ita implementa konfinamentu domilisiariu jeral hodi bandu aktividade sira ne'e hodi halo prevensaun ba transmisaun Covid-19 no variante delta iha Dili," MPKM Magalhaes hateten.

Nia hateten, dadaun ne'e kazu covid-19 ne'e komesa aumenta kada loron no ema ne'ebe mate ho covid-19 kuntinua aumenta.

Atu halo prevensaun ba covid-19 no variante delta iha Timor tanba ne'e governu ho estadu deside hodi hapara aktividade hotu ne'ebe halibur ema liu nain10 no bandu movimentu hotu iha Dili laran hodi obriga ema hotu hela deit iha uma hodi kumpri protokolu prevensaun husi Ministeriu Saude," nia hateten.

Tanba ne'e nia dehan, hahu husi dia 27 Agostu ema hotu tenke hela hakmatek iha uma no kumpri regras prevensaun hanesan, fase liman, uza maskra, no mantein distansia sosial hodi prevene variante delta ne'ebe mak sai amiasa ba Timor.

Entretantu, portavoz Polisia Nasional Timor-Leste (PNTL), Superientendente Xefe Arnaldo Araujo, hateten PNTL hanesan instituisaun estadu nian nafatin prontu hodi inplementa lei hodi halo prevensaun ba variante delta ne'ebe mak komesa amiasa Timor-Leste.

"Ita sei halo pasta revista ba loja sira ne'ebe mak bandu halo aktividade hanesan loja eletronika, automotiv no konstrusaun ita sei hapara lai," Portavoz Araujo hateten.

Nia dehan, iha inplementasaun konfinamentu domilisiaria jeral ne'e bandu mos sirkulasaun transporte publiku no festa no aktividade seluk ne'ebe mak halibur ema barak.

"Se deit ba kontra kontra regras ne'e polisia sei prosesu tanba ne'e krimi desobidensia ba orden estadu nian," nia dehan.

Alende ne'e nia dehan, iha inplementasaun konfinamentu domilisiaria ne'e mos la autoriza sidadaun ne'ebe mak vasina dala rua ona mos tenke hela hakmatek iha uma no labele halo movimentu.