Sexta, Janeiro 21, 2022

Emprezariu nasional, Rui Castro hateten servisu kontrolu kualidade ai-han iha merkadu sei fraku tebes tanba laiha laboratoriu apropriadu atu halo teste ba kaulidade ai-han sira ne’ebe importa mai husi rai liur antes distribui ba merkadu atu povu bele iha asesu ba ai-han ne’ebe kaulidade.

Emprezariu nasional, Rui Castro hateten servisu kontrolu kualidade ai-han iha merkadu sei fraku tebes.

Nia salienta durante ne’e ekipa servisu sira sai tama loja hare deit data validu ou expair hsui produtu sira iha merkadu, ne’ebe maioria sosiedade la komprende tanba hakerek ho lian China.

“Lei atu hare took estabelesementu laboratoriu hanesan iha Indonesia bolu Badan POM, ne’e importante atu hahan hotu tama mai tenke teste lai hetan aprovasaun molok tama iha ne’e, laos sirkula tiha iha merkadu mak ita tuir ba hare nia expair tanba data expair ne’e bele sobu sai tiha tau fali foun, ne’e ita nia maluk China sira expert ba ida ne’e,” nia hateten hafoin partisipa iha konsulta nasional esbosu dekretu lei fortifikasaun ai-han iha Hotel Timor, Dili.

Nia hateten produtu ai-han iha merkadu barak hakerek ho lian China nian no maioria ema la komprende, maibe sosa konsumu tanba folin baratu kompara ho produtu lokal sira.

Iha parte seluk, Ministru Turismu Comersio Industria, Jose Lucas do Carmo da Silva rekonhese laboratoriu saúde no agensia AIFAESA seidauk funsiona ho diak atu halo kontrola ba kualidade ai-han sira, maibe servisu ida ne’e estabelese ona.

“Ita iha laboratoriu ne’ebe lao husi parte saúe nian no AIFAESA, maibe ita nia kestaun mak funsionamentu seidauk,” nia hateten.

Nia hateten politika governu nian mak harii ona agensia atu kontrola ai-ha prosesadu sira no hare padraun ai-han sira atu tama mai rai laran no servisu sira ne’e lao hela.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04