Sábado, Novembro 27, 2021
Total visitors: 592977

Membru Parlamentu Nasional, Deputada Bankada CNRT Maria Fernanda Lay kestiona makas prestasaun servisu atendimentu Eletrisidade Timor-Leste Empreza Públika (EDTL, E.P.) tanba eletrisidade kontinua mate lakan no la atende reklamasaun husi kliente sira.

Membru Parlamentu Nasional, Deputada Bankada CNRT Maria Fernanda Lay kestiona makas prestasaun servisu atendimentu EDTL, E.P tanba eletrisidade kontinua mate lakan no la atende reklamasaun husi kliente sira.

Nia salienta governu deside transforma EDTL ba empreza publika atu fo atendimentu ne’ebe diak liu tan ba kliente sira, maibe kontrariu tanba plenaria kada semana membrus parlamentu hotu koalia beibeik problema eletrisidade ne’ebe mate lakan estraga populasaun sira nia sasan elektronika sira.

“Hau mos ahi han kuadro iha hau nia uma ne’eba, hau telefone ba EDTL atendimentu laiha no nein ema ida atende,” nia hateten iha plenaria.

Nia hateten governu tenke hare fali kontratu sira no lei protesaun konsumedor tanba populasaun la selu ekipa ba koa ligasaun, maibe ahi mate lakan estraga poplasaun nia sasan governu la responsabiliza.

Entretantu, Deputadu bankada Fretilin, Mariano Fatubai Mota hateten politika governu nian atu transforma EDTL ba empreza publika hodi hetan retornu ba estado, maibe realidade dezempenhu servisu EDTL tun.

“Ita hatene katak harii empreza publika para kria kampu servisu, agora situasaun ne’e kontrariu ba prejudika fali ema ne’ebe tinan barak servisu tenke lakon servisu, ida ne’e mak sai preokupasaun publiku,” nia hateten.

Nia dehan governu iha responsabilidade moral atu buka solusaun ba funsionario EDTL sira ne’ebe hetan afeta makas husi mudansa transformasaun EDTL ba empreza publika tanba sira servisu tinan barak ona iha area ida ne’e.

Alende ne’e, nia haktuir tenki kria kondisaun servisu ne’ebe seguru ba trabalhador sira, liu-liu fasilita ekipamentu protesaun ne’ebe adekuadu ba ekipa tekniku sira atu halao servisu iha treinu.

Tuir dadus, suku 70 resin husi 445 sukus iha teritorio tomak mak seidauk iha asesu ba linha eletrisidade, maibe husi sira ne’ebe asesu ona eletrisidade barak seidauk kontribui tanba seidauk iha kontador.

Iha parte seluk, komunidade Matias Pinto hateten komunidade balun maka kontribui ona ba estado liu husi eletrisidade, maibe barak sei halo ligasaun illegal no seidauk monta kontador.

“Ita sidadaun prontu kontribui ba estado ho susa pulsa elestrisidade, maibe ita husu hadia atendimentu publiku no halo kontrolu ne’ebe maximu atu ema hotu bele kontribui,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04